ب گەرمى جەژنا ڕۆژى يێت ئێزى ل خوشک و برايێت هێژايێت ئێزدى ل کوردستانێ و هەر دەرەکا دنيايێ هەبن، پيرۆز دکەم. هيڤيدارم جەژنەکا خۆش و ئارام دەرباس بکەن و جەژن ببێتە ئەگەرێ بجهبوونا زێدەترا ئاشتيێ و پێکڤەژيانێ و ڤەگەڕيانا خێر و خۆشيێ بۆ خوشک و برايێت مە يێت ئێزدى و هەمى خەلکێ کوردستانێ.
ئەڤ جەژنە ژى جارەکا دى د دەمەکێدا ڤەدگەڕيت کو مخابن هێشتا هژمارەکا مەزنا ئێزدييان د کامپێت ئاوارەييێدا دژين و نەشياينە ڤەگەڕنە سەر جه و وارێت خۆ. هيڤيدارم جەژنێت بهێن هەمى ب سەرفرازى ڤەگەڕيابن سەر جه و وارێت خۆ يێت ئارام و ئاڤەدانکرى و حکوومەتا هەرێما کوردستانێ دێ هەموو هەولێ ژبۆ ڤێ يەکێ دەت.
هەر ب ڤێ هەلکەفتنێ هەمى خوشک و برايێت مە يێت ئێزدى پشتڕاست دەکەين کو هەتا خوشکەک يان برايەکێ مە يێ ئێزدى يێ ڕەڤاندى ل ناڤ #داعش#ێ يان ل هەر جهەکێ مابيت، ئەم دێ بەردەوام هەوڵ دەين وان ڕزگار بکەين و ڤەگەڕينين ناڤ کەسوکارێت وان.
سلاڤ و دروود بۆ گيانێ هەمى قوربانيێت دەستێ تيرۆرێ و ئەم ب ڕێز و حورمەت وان ب بير تينين.
جارەکا جەژنا هەميان پيرۆز بيت.
#نێچيرڤان بارزانى#
سەرۆک وەزيرێ هەرێما کوردستانێ
#14-12-2018#