ناوەندی ڕاگەیاندنی هێزەکانی پاراستنی گەل (#هەپەگە#) دەربارەی چالاکییەکی گەریلا لە ناوچەی چەلێ و بۆردومانی فڕۆکەجەنگییەکان بۆ سەر هەرێمەکانی پاراستنی مەدیا، ڕاگەیەنراوێکی بڵاوکردەوە و زانیاری دا.
هەپەگە ڕایگەیاند: (ڕۆژی 12ی کانوونی یەکەم\21ی سەرماوەز کاتژمێر 17:30 هێزەکانمان لە ناوچەی چەلێی جۆلەمێرگ دژی سوپای تورکیای داگیرکەر لەسەر گردی سەرزێرێ چالاکییەکیان کرد. لە 2 قۆڵەوە گورزی تووند لە سەنگەر و پەناگەکانی دوژمن درا و 5 سەربازی تورکیا کوژران. لە دوای چالاکییەکه سەربازگەکانی دوژمن بە ئۆبوس و هاوەن تۆپبارانی ناوچەکەیان کرد)
بۆردومانی فڕۆکەجەنگییەکان
لە ڕاگەیەنراوەکەی هەپەگەدا ئاماژە بە بۆردومانی فڕۆکەجەنگییەکان کراوە و تیایدا هاتووە: (14ی کانوونی یەکەم\23ی سەرماوەز (ئەمڕۆ) کاتژمێر 9:20 فڕۆکەجەنگییەکانی سوپای تورکیای داگیرکەر بۆمبارانی دەڤەری کۆکەرێ-یان کرد لە هەرێمی زاپ-ی سەر بە هەرێمەکانی پاراستنی مەدیا. هەروەها ڕۆژی 13ی کانوونی یەکەم\22ی سەرماوەز (دوێنێ) کاتژمێر 21:20 فڕۆکەجەنگییەکان دەڤەری ساجا-یان لە هەمان هەرێم بۆمباران کرد. بەهۆی بۆردومانەکە هیچ زیانێک بە هێزەکانمان نەگەیشتووە.)#14-12-2018#
Этот пункт был написан в (کوردیی ناوەڕاست) языке, нажмите на значок
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 2,559