بەگوريسی خەڵکی دەڵێ پەتە
گوريس دوای ڕێستنی مووی بزن به و کەرەسەيەی کە بووە بەگڵۆرەی موو لەلايەن وەستای خۆيەوە دەڕێسرێت و دروست دەکرێت بۆ کۆمەڵێک پێداويستی بەکاردەهێنرێت بەتايبەت بۆ بەستانی(بار) چ لەسەر پشتی ووڵاغەبەرزە بێت يان لەناو عارەبانەی تراکتۆری بێت، هەروەها بۆ بەستانەوەی کەر و ماين و ئێستر و ئەسپ بەکارهاتووە، يان توندکردنی تێڵەگەی گەنم و...تاد هەندێجار ئەم گوريسە بەهۆی زۆر بەکارهاتن و کۆنيەوە دەخورێتەوە و پارچەپارچە دەبێت بەهەر پارچەيەکی دەوترێت(پەتە) وەک(تيلم)ە پەڕۆ کە خاسيەتی گوريسيەکەی لەدەست دەدات و بۆ بار بەستان و تێلەکێشی دەست نادات، ئينجا هەندێ کەس هەن شت و مەکی خەڵکی دەشکێنن و بايەخی پێ نادەن تەنها مەدح و ستايش و پياهەڵدان بە کەلوپەلی خۆيان دەڵێن ئينجا لە کوردەوارييدا بەدرکە و ئيديۆمەوە دەوترێت فڵانە کەس گوريسی خەڵکی پێ پەتەيە واتە شتی خەڵکی بەهەند وەرناگرێت و پێی هيچ نی يە.
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 1,921