دوای ئەوەی ئەمڕۆ ڕاگەیەندراوێک بەناوی لیژنەی پەرلەمانیی بەدواداچوونی دۆسیەی(مجید ئیبراهیم) بڵاوکرایەوە، لێرەوە ڕایدەگەینین کە هیچ ڕاپۆرتێکی واژۆکراو و فەرمی لیژنەی ڕاسپێردراو ئاڕاستەی ئێمە نەکراوە؛ و وا بڕیارە هەفتەی داهاتوو لیژنە کۆبوونەوەی خۆی بۆ ئاراستەکردنی ڕاپۆرتی کۆتایی بکات..
هاوکات، ماڵپەڕی پەرلەمان بەکارهێندراوە بۆ بەلاڕێدابردنی ڕای گشتی به و پێیەی کە هێشتا لێکۆڵینەوەکان بۆ کەیسی ناوبراو بەردەوامن وئیشی لیژنەی پەرلەمان نیە قسەی یەکلاکەرەوە له و بارەیەوە بکات...
بۆیە جارێکی تر ڕێگە نادەین ماڵپەڕی فەرمی پەرلەمانی کوردستان، کە بەتەنها گوزارشتە لە بۆچونی فەرمی پەرلەمان و هەواڵی کاروچالاکی لیژنەکانی پەرلەمانی تێدا بڵاو دەکرێتەوە، بۆ هیچ مەبەستێکی تر بەکار بهێندرێت و بەووردی چاودێری و ئاراستەی دەکەین بۆ کاری پەرلەمانیی....
د.#ڕێواز فایەق#
سەرۆکی پەرلەمانی کوردستان
#30-01-2020#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!