سەرەڕای ساردی کەشوهەوا بەتایبەت ناوچە گەشتیارییەکانی #هەولێر#، هاتنی گەشتیاران بۆ ئەوشارە بەردەوامە و لم مانگەدا ژمارەیان گەیشتووەتە نزیکەی 180 هەزار گەشتیار.
بەپێی ئاماری دەستەی گەشتوگوزاری هەولێر، تەنیا لە سەرەتای ئەم مانگە واتا تاوەکو ئەمڕۆ پێنجشەممە 30ی کانونی دووەمی 179 هەزار و 993 گەشتیاری عەرەب لە شارەکانی خوار و ناوەڕاستی عێراق سەردانی شاری هەولێریان کردووە.
نەریمان فازڵ، بەڕێوەبەری ڕاگەیاندنی گەشتوگوزاری هەولێر بە دواڕۆژی ڕاگەیاند: هیچ ساڵێک وەک ئەمساڵ لەم وەرزە گەشتیاران ئەوەندە نەهاتوونەتە هەولێر، هۆکاری سەرەکیش خراپی بارودۆخی ئەمنی عێڕاق بەتایبەت گرژی و ئاڵۆزی و خۆپیشاندانەکانی ئەمدواییە کاریگەری زۆری هەبووە لەسەر هاتنی گەشتیارانی عەرەب بۆ هەرێمی کوردستان تایبەت شاری هەولێر.
وتیشی:پلانی دەستەی گشتی گەشتوگوزار بەشێوەیەکی زۆر باش جێبەجێکراوە وەک دەبیندرێت گەشتیاری زستانەش زۆر بەباشی ناسراوە و ڕۆژانە گەشتیاران دەیانەوێت ناوچە شاخاوییەکان و گەشتیارییەکانی هەرێم ببینن و سەردانی دەکەن.[1]
#30-01-2020#
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 1,814