#نێچیرڤان بارزانی# لە پەیامێکدا سەرەخۆشی لە بنەماڵە و کەسوکاری تێکۆشەری دێرین #بارزان مەلا خالید# دەکات کە بەهۆی نەخۆشييەوە کۆچی دوایی کرد، ئەمە دەقەکەيەتی:
بۆ بنەماڵە و کەسوکاری تێکۆشەری دێرین بارزان مەلا خالید
بۆ کۆچی دوایيی میدیاکاری ناوداری شۆڕش و تێکۆشەری دێرین خوالێخۆشبوو بارزان مەلا خالید، سەرەخۆشی لە خۆمان و ئێوەی بەڕێز و هەموو دۆست و هەڤاڵانی دەکەین. لە خوای مەزن داواکارین گيانی شاد بکات و بيخاتە بەر بەزەيی و ميهرەبانيی خۆی.
خوالێخۆشبوو بارزان مەلا خالید، نموونەی مرۆڤێکی دڵسۆزی خزمەتکار و پەروەردەی بنەماڵەیەکی شۆڕشگێڕە، زۆر لە کۆنەوە باوک و بنەماڵەکەيان پشتیوانی شۆڕشەکانی کوردستان بوون، خۆيشی لە سەردەمی شۆڕشی ئەیلوول دەنگی ناسراوی ئيزگەی دەنگی کوردستانی عێراق و لە شۆڕشی گوڵانيش بە هەمان شێوە بەردەوام بوو. لە ڕاپەڕیندا دەنگێکی دياری ورەبەخش بوو بۆ پێشمەرگە و خەڵکی ڕاپەڕیوی کوردستان، دواتریش وەک ئەندامی پەرلەمان و بریکاری وەزیری ڕۆشنبیری خزمەتی بواری ڕۆشنبیری کرد. کەسێکی تێکەڵاوی خەڵک و خۆشەویست بوو. يادی ئه و بە خەبات و خزمەتی خۆی بۆ گەل و وڵاتەکەی هەميشە بە زیندوویی دەمێنێتەوە.
نێچیرڤان بارزانی
سەرۆکی هەرێمی کوردستان
#25-08-2020#
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 1,526
Ваше мнение о предмете!