عەدێ و مەدێ 26
سواری تڕومبێلی بووین و کەتینە دوو تڕومبێلەکانی خاری عەدێ و مەدێی، هەتا گەیشتینە مەزرعەی خاریان عەدێ و مەدێ لەناو تڕومبێلی چەقەنەیان لێدایە و قوونیان بادایە، خاریان بردبووە ڕێزی ڕۆستەمی زاڵ و کاوەی ئاسنگەر و ئەسکەندەری مەقدۆنی! مەدێ دەیگۆ: وەڵلا خار گێی لێ نیە بچیتە کیها چیای نەقۆرا و ترسناکە، لەوێ شێری بە گێی بگری و بیهینتەوە شاری، عەدێ دەیگۆ: وەی بدیتبا لە شەڕی کەرکووکی چ دکرەکی کرد، دوو بیکەسی لە بەدەستی سووتا و ئاگریان تێبەر بوو هەندی تەقەی پێبکا!
ئەوان کە باسی خاریان بەو تەرحەی دەکرد، ئەمن ئاڕنۆلد و ڕامبۆ و فلیمی شوعلەم دەهاتە پێش چاوی! لە بەرچاوم بوو وەکی لە تڕومبێلی دێینە خوارێ، خار لە باتی وەرامی سەلامی بداتەوە، بە تەورداسەکی هورگی معاونی هەردەزڕێنی و بە دەستی خۆی ڕیخەرۆکی دەردەینی و لە ملی معاونی دەئارێنی، ترسی ئەوەم هەبوو لۆمە لەسەر بیکەیسی دانیشتبی، هەر چووینە ناو مزرەعەیی و لێمان بڕشێنی و هەموومان بکاتە پەلکی داری و هەرمان وەرێنی، یەک دوو پفم لە خۆ کرد و دوو سێ قولوەڵلام بە دوو دا نارد.
گەیشتینە مەزرەعەیی و چووینە ژۆرێ، باشبوو چ لەگۆڕێ نەبوو، گەیشتینە ئەوسەری مەزرەعەیی و خانیەکی گەورە بەدەرکەت، دیابوو خار لەناو مەسبەحی بوو، مەلەوانی دەرکرد، جارەک پێش و پێش دەڕۆیی، جارەکیش لەو سەریڕا بە پشتە مەلە دەهاتەوە! ئەمە هەموو لە تڕومبێلی دابەزین، ئەمن و عەدێ و مەدێ لە لایەکی ڕاوەستاین و چەکدارەکانیش معاون و پۆلیسەکانیان بە شەق و شولاق هینا خوارێ و لە لایەکیان ڕێز کردن! عەدێ سەری لە بن گێی نام و گۆتی: تەماشا خاری کە چشتۆ مەلەوانی دەکا، وەختی لە دەریای خەزەر مەلەوانی کردیە، بڕوات هەبی مونافەسەی تیمساعی دەکا! مەدێ گۆتی: عەدێ بێدەنگ بەو لەوچەی مەکە، خار وا دێتە دەرێ، تەماشام کرد، دیاربوو هاتە دەرێ، ڕۆبەکیان دایێ و لە خۆی پێچا، لەسەر کورسیە پلاستیکیە درێژەکەی لێ ڕاکشا، شەربەتەکی لیمۆیان لۆ هینا، یەک دوو پەلکە نەعنای تێدابوو، قەمیشەکەی ناو پەرداخەکەی بە دەوی وەنا و یەک دوو قوومی لێدا، دایناوەو هەتا قرپ گرتی هینایەوە، ماخران دەتگۆ تۆنترەقەیە و تەقاندیان! مەدێ گۆتی: عافیەتە خارە! خاری تەماشایەکی کرد و گۆتی: سەیە کوی؟ مەدێ خەنی بوو، گۆتی: دەستت ماچ دەکەم خارە! عەدێ گۆتی: وەڵلا خارە ئەمنیش باشم و دەستت ماچ دەکەم، خار تەماشایەکی منی کرد و بە ئیشارەت گۆتیە عەدێ و مەدێی ئەوە کێ یە؟ مەدێ گۆتی: هەم جیرانە و هەم جەماعەتی خۆمانە! خار ڕووی وەرگێڕا و گۆتیە معاونەکەی: چت لە گۆلکەکەی کرد هەی گۆلک؟ ئەویش بە ترسەوە گۆتی: وەڵلاهی خارە ئەوەی خێر بی لەو گۆلکەم نەدیتیە، خار گۆتی: دەرێم چت لێکرد؟ معاون گۆتی: وەڵلا لۆ مدیر شورتەم نارد! خار سەری برند کرد و گۆتی: مەجۆ، کورە مەجۆ، بڕۆن مدیر شورتەی بینن!
مایتی.[1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 1,381
Ваше мнение о предмете!