عەدێ و مەدێ 35
گۆتم: بەدە تەنگەستوور دیارە سحربازی بەچەقەنەکی بزرم بکەی! گۆتی: وەرە دانیشە وەرە، وا ئەسمەر چایەی وەسەنایە، دیشلەمەکی لەسەکە، گۆتم: توخوا ئەگەر وازم لێنەینی، زۆر ماندیمە، دەمەوێ ئیسراحەتەکی بکەم! گۆتی: پێت نەگۆتم عەدێ و مەدێ چیان بەسەر هات! گۆتم: وا لەکن خاریانن و تاقیبی گۆلکی دەکەن، گۆتی: خار باسی من نەکرد؟ گۆتم: وەڵلا لەبەر گۆلکی ئەتووی هەر لەبیر نەبوو، دوایێ کێ باسی توو دەکا دەو شەپۆپە! گۆتی: ئەی بەقوربانی سەرکم بی، ئەوە لەجیاتی بچی لەوبەری پاکەتە جغارەکی ویسنتۆنم(وینستۆن) لۆ بکڕی! گۆتم: لۆ کێ هەردەپەڕی و پەنجەی لۆ لە مەرەکەبی دەنێی با ئەو لۆت بکڕی! قوومەکی دوور و درێژی لە جغارەکەی داو هەتا بن ئیسفەنجەکەی برد، ئەوجە گۆتی: هەر بڕەون وەکی سەی، ترشی و خۆشیبی هەر ئەمە ئێکەمین، هەر کاتەکی بزانین ئێکەم نابین تێک و پێکی دەدەین!
لەسە قەنەفەی پارم دابۆوە، تەماشا تەلەفزیۆنم دەکرد، لە دەرکەی درا، مندار چوون کردیانەوە، هاتنەوە گۆتیان: بابە موختار هاتیە و ئیشی بەتووە! چوومە دەرێ و بەخێراتنم کرد، پاش چاک و چۆنی، گۆتی: ئەو فۆڕمەی پڕکەوە و سبەینێ دێم دەیبەمەوە، دەمەکیدیش تەلەفزیۆنەک دێتە کۆرانینگۆ دەبی ئەتوو قسەی لۆ بکەی! گۆتم: قسەی چ؟ گۆتی: برێ وەزع زۆر باشە و دنیا خۆشە و ئاوەدانیە و ئەو شارە لە هەموو دنیایێ خۆشترە و کارەبا و ئاومان فوولە! گۆتم: یەعنی درۆیان بکەم! سۆر هەرگەڕا و گۆتی: درۆی چ، ئەتوو ڕاستیەکان دەرێی! گۆتم: ڕاستی چ، ئەمە سێ ڕۆژە ئاومان نەهاتیە! پێوەری تەمبەری کارەباش ڕۆژ نیە جارەک فڕێ نەدا، دە وەڵلاهی قسەی ناکەم، قسەش بکەم وەکی کابرای ئی بن بەڕی دەینمە سەر بەڕی! گۆتی: کیهان کابرا؟ گۆتم: ئەوی کلێتەکەی لەسەری بوو، وەکی دەیگۆ: ئەوە بەرهەمینگۆیە ئەمە دەیخۆین، ئینتیخابە دەنگمان پێ بدەن! کورە ئەگەر دەنگتان پێبدەم.....
مایتی.[1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 573
Ваше мнение о предмете!