عەدێ و مەدێ 44
ئەعسابم لە ئەسکەندەری نەما، گۆتم: ڕاگرە لێرە ڕاگرە! ئەمن دێمە خوارێ و دەچمەوە مارێ، شێت بوویمە، خوا لێی گۆڕیمە وەگەنگۆ کەتیمە، بچمەوە ناو مار و مندایم خۆم سەت قات باشترە! ئەسکەندەر گۆتی: ئاخر وەکی دەرێم تێناگەی توڕە دەبی! گۆتم: لۆ تێناگەم بابە، قابیلە ئەنگۆ باسی عیلمی زەڕڕەی دەکەن! گۆتی: ئەگەر تێگەیشتبایی دەتزانی ئەمن بەس جێبە قووتەی ڕابگرم دەکوژێتەوە، جەنابت بێتە خوارێ و بڕوا، کێ پاردا؟ گۆتم: برێ ئەمنتان لۆ پاردانێ هینایە؟ گۆتی: دەکرێ برێم بەرێ، دەشکرێ برێم نەخێر، دوایێ دەچیەوە مارێ چدەکەی، دەچینە کن خاری خۆشترە، بەشکوو یەک دوو لاقە مریشکی دەڕنێنینەوە! گۆتم: دیارە ئەتوو ڕاناگری، شەرتبی خۆ لە تڕومبێلی فڕێ دەدەم! وەکی ئەو قسەم کرد ئەسکەندەر ترسەکی لێنیشت، لۆیێ مۆبایلی دەرینا و تەلەفۆنی لۆ عەدێی کرد، گۆتی: ئەو کۆستەرەی ڕاگرن، دوو قسەم هەیە! هەندەی نەبرد کۆستەر ڕاوەستا، عەدێ دابەزی لۆلایمە هات، دیتم کامۆش بە خۆو بە پارچە بۆڕیەکی ئاوێ بە دووی کەتیە! گۆتم: تەواو ئەوجارە کامۆ هەموو ناوملانی من بە بۆڕیان شل و خاو دەکاتەوە!
عەدێ هات و گۆتی: ئەسکەندەر چت دەوێ، لۆ گۆتت ڕاگرن؟ ئەسکەندەر گۆتی: وەڵلا فەیلەسووفی ئاخر زەمان دەرێ لەگەرتان نایێم و دەچمەوە مارێ! عەدێ گۆتی: بەس بزانم دەچیەوە مارێ چدەکەی، لۆ لەگەمە نایێیە کن خاری؟ گۆتم: ئەمن هیچ ئیش و کارم نیمە بێمە کن خارتان، وەڵلا هەموو هەولێرم لەسە تاپۆکەن نایێم، ئەمن ئەوە ڕۆیشتم و خواحافیز، دەرکەی جێبە قووتەم کردەوەو هاتمە خوارێ! هەرچەند گۆتیان وەرە، مەڕۆ بەجێمان مێلە! گۆتم: وەڵلاهی ئەمن وەکینگۆ کۆیلە نیە، خارتان ئەگەر ئەنگۆ بوویستبایە، دەبایە چەند ڕۆژە مەدێ لە خەستەخانەیە سەرەکی لێدابا، نەک ئەنگۆ غاردەن و بچنەکنەوی! عەدێ سەرەکی بادا و گۆتی: هەتا ئەو زەلامە تێدەگا ئەمە هەموو لەبیرمان دەچی! کامۆ بۆڕی برند کرد و گۆتیە ئەسکەندەری بابی: بابۆ، پێت کووە هەتا بۆڕی بگرم لە تەپلی سەری دەم! عەدێ گۆتی: ئەرێ کامۆ، ئەوە چیە ئەتوو لەمە بوویە ڕامبۆ، بەڕاست و بەچەپ دەدەیە بەرێ! ئەسکەندەر گۆتی: عەدێ واز لە کامۆی بینە، زەلامەکی زۆر کەرە، بەخوا چ زەلامەکی بکوژی، چ پەرداغە ئاوەکی سندان کا! ئاوڕم لێنەدانەوە و دەستم لە تەکسیەکی ڕاگرت، تەکسی لە جێی خۆی ئیستاپی کرد، سێ چار تڕومبێل لە پشتی ئیستاپیان کرد و بووە هۆڕن لێدان، هەر خوا ڕەحمی کرد خۆیان پێک دانەدا، یەکسەر سواری تەکسیکەی بووم، سایەق تەکسیش پێی لێناو دەرپەڕی!
مایتی.[1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 641
Ваше мнение о предмете!