عەدێ و مەدێ 69
گۆتم: هەی فەقیر حار خۆ ئەوڕۆ نیە مارمان بە قوڕێ گیرایە، سی ساری ڕەبەقە مارمان بە قوڕێ گیرایە، ئەوجە ڕاست چوومە هۆری و لەسەر قەنەفەکەی لێم پارداوە، خێزانم ئاگری لە کوونە کەپووی دەهاتە دەرێ، لەدووم هاتە هۆرێ و گۆتی: هەستە، دەرێم هەستە، زوو بڕۆ ئەو ئیشانە بکە هەتا ئەو مارەم بەجێنەهێشتیە، هەستە، دەرێم هەستە! سەرم برند کرد، دیتم ئەو شوفێرەی ئەمنی لە کن لافاوی هینایتەوە، دەستی لەسە شانم دانایەو دەرێ هەستە، کاکە هەستە! تەماشایەکم کردو تەماشا ناو تڕومبێلیم کرد و گۆتم: ئەدی مزەخە، بتلی غازی، ڕاپۆرتی مام شوکری؟ گۆتی: ئەتوو باسی چدەکەی؟ ئەتوو لەناو مەزرەعەی خاری هەر سواری تڕومبێلی بووی، هەتا ئێرە خەوت لێکەت، ماخران پرخەپرخەت ڕۆژە ڕێیەک دەڕۆیی، دەتگۆ مزەخەیی و بۆربەرینت شکایە! دە دابەزە ئەوە گەیشتینەوە مارێ! تەماشام کرد وا لەپێش دەرکەی ماری خۆمم، لە تڕومبێلی هاتمە خوارێ و مەمنونی شوفێرەکەی بووم و چوومەوە ژۆرێ، دیتم مزەخەمان ئیش دەکاو چ کێشەی نیە! دوو لە مندارەکانم لە حەوشێ گەمەیان دەکرد، وەکی چاویان بەمن کەت، غاریاندا لۆلای من، ئەمنیش تووند لە باوشێم کردن و هەتا هێزم تێدابوو بۆنم کردن، فرمێسک لە هەردوو چاوم وەکی بارانی بەهارێ دایانکووتا، ئاگرم لە هەناوی بەربوو، ئێکیان خۆی لە باوشم دەریناو غاریدا لۆ ژۆرێ، دیاربوو چوو خەبەر بداتە داکی و خوشک و برایەکانی کەوا بابە هاتەوە!
هەندەی نەبرد هەموو تێکڕا بە غاردان هاتنە دەرێ و باوەشیان تێهەرینام، لەگەرە من دەستیان بە گریانێ کرد، قەت باوەڕیان نەدەکرد ئەمن ئەوها بە ئاسانی بەربم! چوومە ژورێ و دانیشتم، پەرداغە ئاوەکیان لۆ هینام، خواردمەوەو بڕەک هاتمەوە سەرەخۆ، پێیان عەنتیکە بوو ئەمن بەربوویمە، گۆتیان ئەوە کووە بەریان دای؟ گۆتم: خوای گەورە بە هانام هات و بەندەی خۆی لەبیر ناکا، بەران لێمگەڕێن با بڕەکی پاردەمەوە، چونکە زۆر هیلاکم و پێویستم بە ئیسراحەتەکی هەیە!
مایتی.[1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 534
Ваше мнение о предмете!