عەدێ و مەدێ 70
وەختەکی مندار بەخەبەریان هینام، گۆتیان: هەستە نوێژەکەی بکە هەتا نەچووە، ئەوە دوو سێ سعاتە خەوت لێکەتیە! هەستامەوە و چووم ئاوەکم بەخۆم داکرد و چوومە سەر دوو گردی و دەستم بەنوێژێ کرد، لە تەحیاتی دووەم بووم لە دەرکەی درا، هەتا مندار چوون دەرکەیان کردەوە و هاتنەوە، نوێژم تەواو کرد، گۆتیان: بابە قادرە پووخە و ئیسماعیل مریشک دز هاتینە! گۆتم بیانهیننە ژۆری مێوانان، ئیدی چوومە ژۆری مێوانان، وەختەکی هاتنە ژۆرێ، سەلامیان کرد و بەگەرمی باوەشیان تێهەرینام و کەیفخۆشی خۆیان دەربڕی بەوەی ئەوجارەش هاتمەوە ناو مار و مندارم، چایەم تێک دەدا، ئیسماعیل مریشک دز گۆتی: بەس تێمان بگەینە ئەتوو کوو لە دەستەوانە قوورتارت بوو؟ گۆتم: جارێ لەوەی گەڕێن، پێم برێن کامۆی کوڕەکەی ئەسکەندەری چی بەسەرهات؟ قادرە پووخە گۆتی: وەڵلا دە پازدە ڕۆژان گرتبوویان و زۆریان لێدابوو، دوایێ بەرەللایان کردبوو، بەس ئەتوو کوو بەربووی ئەتوو؟ گۆتم: خارینگۆ ئەمنی بەردا، ئیسماعیل مریشک دز گۆتی: دەمزانی ئەو ئیشە بەس بەخاری دەکرێ، دەوجە لۆخۆت لەگەر خاری ڕێککەوە، هەم تووشی کێشە نابی، هەم پارووت دەکەوتە ڕوونی! قادرە پووخە گۆتی: ئێ چیدی، چ هەیە چ نیە؟ گۆتم: خۆشیەکینگۆ شتەکی وەها نیە، ئیسماعیل مریشک دز گۆتی: ئەرێ لە سجنێ زۆریان لێدای؟ گۆتم: ئەنگۆ ئەو پرسیارانە لۆ لەمن دەکەن؟ دەتانەوێ بچن ڕاپۆرتەکم لەسەر بنووسن و پارەی پێ وەرگرن؟ قادرە پووخە گۆتی: ئەوجە کا ئێستا پارەی دەدەن، پێشان هەر ڕاپۆرت و سەت هەزار دیناریان دەدا، ئێستا بەس دەرێن دەستخۆش، بەردەوامبە لە خزمەت کردنی خاک و نیشتمان و بەرەو پێش بردنی ئەزموونەکەمان!
پاش ئەوەی بەینەکی باش دانیشتن، هەستان و ڕۆیشتن، لە دەرکەی گۆتیان: هەر ئیشەکت هەبوو لە خزمەت داینە، ئەگەر دەرێی هێوارێ لەگەرت دێینە ماری مەسوولی ئەو گەڕەکەی خۆمان و دەرێین ئەو کابرایە تۆبەی کردیە و وایزانیە ڕادیۆیە!
مایتی.[1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 579
Ваше мнение о предмете!