کاری کەر و خواردنی بارگین
کەر یەکێکە له و ئاژەڵانەی کە کەمخۆرە و ئەگەر تا بەیانی لەسەر ڕەوسە و خەرمانی گەنم بێت، بەدانەوێڵە ناکەوێت، چونکە لە ئاژەڵە کاوێژکەرەکان نییە و هێدی هێدی و کەم کەم دانەوێڵە دەخاتە دەمیەوە و ورد ورد دەیجوێت ئینجا قوتی دەدات، لەگەڵ ئەوەش کەر زۆرترین کاری پێ دەکرێت و زۆر پشوو درێژ و بارەبەرە، مرۆڤ بۆ کاروبارەکانی ژیان بەر لەپێشکەوتنی تەکنەلۆجیا زۆرترین سوودی لێ بینیووە، بارگین یان بارگیر، ئەسپی خەساوە لە چاککردنی ماین و ئەسپ دا پەیدا دەبێت بۆ باربردنی نێوان کوێستان و گەرمیان و جوتکردن و کێڵان و ناعور ڕاکێشان و گەڕان بەکاردەهێنرێت، لەبەر ئەوەی وەچەی ئەسپە و بارەبەرێکی باشە پێویستی بەئالیک و کاوجۆیەکی زۆر هەیە تاوەکو هێز و ووزەی بۆ بگەڕێتەوە و کاروبارەکانی پێ ئەنجام بدرێت، وەک ئیدیۆم بارگین و بارگیر بۆ کەسی نەزان و بێ عەقڵیش بەکاردەهێنرێت بەڵام لێرەدا بووە به و ئیدیۆمە، بۆ تایبەتمەندی و هەر کەس بە کاری خۆی، هاوشێوەی(نان بۆ نانەوا و گۆشت بۆ قەساب) دەوترێت: کاری کەر و خواردنی بارگیر واتە کار بۆ گوێدرێژ و خواردنیش بۆ بارگیر وەک ئەوەی بوترێت: گۆشت قابیلی بازە.[1]
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 1,330
Ваше мнение о предмете!