بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بەشێوەزاری گۊرانی- هۆرامی هۆنراوەکەی نووسی وە:
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$دڵ ناڵانشەن$
دڵ ناڵانشەن، دڵ ناڵانشەن
هامسەران جە دەرد، دڵ ناڵانشەن
زویریش جە تاو خەیاڵانشەن
ئارەزوی تەواف عەوداڵانشەن
جە دووری یاران بێ قەراریمەن
واوەیلاو حەشر، شین و زاریمەن
ئارەزووم کەردەن چوون قەدیم ساڵان
بشوون پەی تەواف بارگەی «عەوداڵان»
بە دڵەی غەمناک نامرادەوە
بە دەرون غەمبار خەم بە بادەوە
فەسڵی گوڵ گەشتەن، وادەی گوڵانەن
عەترشان دەوای دەردی دڵانەن
ئېمە و دڵ هەردوو، بە زاری و لاڵان
با بشمێ وە سەیر بارگەی عەوداڵان
پەی دیدارشان گەرمی تاسەمەن
سەر زەمین گرتەن، دووی هەناسەمەن
«پیر ڕۊستەم» وېران، کەس نېیەن تێشدا
وېرانیش مەدۆ جەرگم بە نېشدا
«شۊبۊ»ش نیلی پۊش، خەمگین دیارەن
«چنوور»ش پەشێو، چوون زوڵفی یارەن
سەربەرزان، هەردان، عەوداڵان تارەن
سەیرش پەی یاران چوون ژەهری مارەن
با بە دۆعای خەیر یاران کەرمۍ شاد
خاسی عەوداڵان باوەرمێ وەیاد
هەر هەفت عەوداڵان بگېرمێ دامان
بەڵکو بېیاوان یاران وەلامان
یا هەفت عەوداڵان دڵ پاکی دڵ ساف
نامتان مەشهوورەن جە قاف تاکو بە قاف
ساکنانی غار، کۆی بەرزو بوڵەند
دۆعا مەقبوڵان بارگەی خوداوەند
وە بەرزی ئەو کۊ بەرز بۊ پایەتان
بە دایېم پەیمان مەنۆ سایەتان
سەیدی شەرتش بۊ چوون وەفا داران
بەیۆ پەی تەواف بارگەی عەوداڵان
[1]