Romannûs, helbestkar û wergêr.

Di sala 1964’an de (bi fermî 1962’yan) li gundekî Amedê ji dayîk bûye, dibistana amadeyî û zanko li heman bajarî kuta kirîye. Demekê mamostetîya bîyolojîyê kirîye, ji ber pirtûk û nivîsên xwe gelek caran hatîye darizandin û di zindanan de maye. Ji sala 1999’an heta niha di Şarevanîya Parêzgeha Amedê de wekî bîyolog û zimanzan dixebite. Di sala 2004’an de li gel komek hevalên xwe Komeleya Nivîskarên Kurd damezirandîye û demekê serokatîya wê kirîye. Di Reşemîya sala 2015’an de li Zankoya Artukluyê Beşa Ziman û Çanda Kurdî master kuta kirîye û teza xwe li ser Di Çend Pexşanên Kurdî de Evînên Efsanewî amade kirîye. Bavê du zarokan e, wekî bîyologekî karmend jîyana xwe li Amedê didomîne.[1]