ناو: تەحسین
ناوی باوک: حوسێن پیرداود
نازناو: تەحسین سنجاوی
تەحسین سنجاوی- مۆسیقا ژەن
نوسینی: #خالید عومەر عوسمان#
ناوی تەواوی (تەحسین حوسێن پیرداود ئۆمەر) ە، ساڵی 1964 لە گوندی (#پڵینگە#)ی دەشتی #هەولێر# لە دایک بووە، لە تەمەنی بچوکیدا ماڵیان دێتە هەولێر و لە گەرەکی سەیداوە نیشتەجێ دەبن و هەر لەو گەرەکە تا پۆلی سێی سەرەتایی دەخوێنێ، ئێستا لە گووندی باغەمرە ژیان بەسەر دەبات، هەر لە هەڕەتی لاویدا بووە حەزی لە هونەر و موسیقا کردووە و تێکەڵ بەو دنیایە بووە، ساڵی 1976 دەستی بە ژەنینی ساز کردووە، ئەو کاتە دایکی سازێکی بە 6 دینار بۆ دەکڕێ، هونەرمەند تەحسین سنجاوی بە شێوەی سەماعی فێری ژەنینی ئەو ئامێرە موسیقیە بووە و دەزانێت تاریش بژەنێت، چونکە لە ڕاپەڕینی ساڵی 1991 کە ئاوارەی ئێران بووە ماوەی پێنج ساڵ لەوێ ماوەتەوە و لەوێ زیاتر لەگەڵ موسیقادا تێکەڵ بووە و پتر بەرەو پێشەوە چووە، هەروەها لە هەموو ئەو ئاهەنگانە بەشداری کردووە کە داوەتیان کردووە لەبەرامبەر ئەوەشدا هاوکاری کراوە، چونکە ژیانی لەسەر ژەنینی ئەو سازە بووە و مووچەی لە هیچ شوێنێک نیە، ساڵی 1978 بووەتە ئەندامی کۆمەڵەی هونەرو وێژەی کوری- هەولێر، لە چەندین چالاکی بەشداری کردووە بەڵام هیچ تۆمار کراوێکی نەبووە، لە چەندین ئاهەنگی تەلەفزیۆنە فۆلکلۆرییەکان بەشداری کردووە لەگەڵ چەندین گۆرانی بێژ.
ئەم ژیاننامەم لەخۆی وەرگرتووە لە 2021/8/21[1]
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 731