شێخ عبدولمقسود ئەلحوسینی
کورد جارەکا دی ژ دایک دبن و
دیسا ژ نوو دمرن
چیا مایە هەلاویستی دبیردانکا کوردان دا
هەر وەکو خودای سورەتێ ئەنفال ب دو پشکان ڕێکری
پشکەک ب ئەنفالا کوردان
د هانا چیایێ خەملاندی ب کراسێ بووکانیا بەفرێ چوون
چیایێ ڕەنگین ب ڕۆناهیێ.. و کەوا.
ل کۆپیتکا ئاڤابوونێ
دجلە… زاب و فورات دهوورن
بەڕاز بەر ب هێلینێن کۆتران دچن
بەر ب ملێن تاریستانێ
هەر وەکو چیا دەستێ خوە بلند دکت
بۆ ڕێڤینگێن بۆرین و یێن دهێن بەر ب تاریستانێ
سیبەرێن خوە ل سەر کەڤڕان هشتن
چیا نەڤیێ دایکا خوەیە
ب پێپەلیسکان هەلەپەی چیایێ مێویژان دبن
دچن بەر ب خودێ و د دەستێ وان دا کەسک و ئالا
کی دێ ل سەر لێڤێن تە فێقیێ هشککری ڕێزکت
سولاڤێن بارانێ
ڤەدگەرنە بێدەرێن عەوران وەکی کەرێن بزنا
دلێ من دپژە.. حەز ژ تە دکم
دچم بەر ب دۆزەخێ
خودێ… خودێ
ڤەدەریا خوە دئاشووپینم… و د هەوارا نهێنیێن تە یێن د جەرکان دا دئێم
چاکیێ دڕەشینم وەک تۆڤێ کەنگران ل دۆرێن گوندێ بریڤا و سۆڕکا
هەچکۆ با د ناڤ تلێن تەدا، گوستیلکێن ئاڤابووی.
سیسنێن پایزان
با د ناڤ پۆڕا تە یا بژالەدا،
وەکی هێرشێن من یێن بەردەوا من
ئو خافکێن من دبن کەفشێ من دا
دبن کەفشێ من دا،
وەلاتەکی وەکی من دەربەدەر
ل ڤەکوشتیێن هندا دگەرم
هشیار بووم ژ سەرتەختەکی وەستیای،
هەر وەکو ئاڤس ب بێهنا کولیکەشکان
بشکۆژێن مەمکێن وان وەکو بالندەکی ئاڤی نە، ل سەر تەختەکی جەمەدێ
ئەز ژ شەفەقێ ڤەدەرم
دوورم ژ بالیفکێن ژ داڤێن ئاڤرمیشی ڕێساین
دێ شینیا چیای ب داوی هێت
بنێڕە
گوڕی ژ بیردانکا بەیهۆدەیێ دچت.
دا ب سەر چیای بکەڤن و
پەرستگەهێن مرنێ ببینن.
چەند جوانە مرن
مرن ل سەر چارچەفا چیای
مرن نەڤیا ژ بیرکرنێ یە
هەروەکی حلکەحلکا دەواران دبن بارێن تری ڤە
عەور بەر ب هەڤبەندیێن ئاشکەرا،
د پرتووکێن شینیێ دا دچن
ژن ناما دنڤیسن بۆ کێمیائێ
ژن ئامادەبوونا خوە دنڤیسن،
وەکی ستێرێن غیرەتێ
ئەی چیایێ داکەتی ل سەر نهێنیێن چیا
خفس ل ئێلان دبارت، دا بژالەکن ل سەر قرارگەهان
دەوارێن ژ گۆریێ. دا زەنگا کنیشتا لێبدن و
سفر، بیانی و
بێسەراشوونێن د کۆلانێن تەنگ دا
ئەرێ کورد دێ جارەکا دی ژ دایک بن؟
ئەرێ مە ئالایێن خوەلیێ هێلانە ل چیایێ تۆرس
رەفێن قۆلنگان و ئاگرێ جەنگێ
ئەرێ میلێن دەمژمێران هاتینە گوهارتن؟
ئەرێ پێکەنۆکێن جیهانێ ب داوی هاتن؟
وەرگێران: ئسماعیل سلێمان هاجانی[1]