شەوێ جە شەوە سەردەکا زمسانی و چەرمە پۊشی تەوېڵۍ بە ۋەرۋۍ، مامۊسا مەولەوی بەسواری هەری وردە وردە یاۊو دلۍ دەگێ.
مەولەوی یاۊو نزیکو خانەقای و وەزۊرە دلۍ باڵەخانەو سەرو دەرەکەی کە یانەو شېخی بەهادینیەن، چاگە مېمان بۊ.
وەختێ ملۊ چۊوەر و نیشۊرە وینۊ یانەکەش دڵۊپە کەرۊ و پی حاڵۆ مەتاۊونە چەنەش نیشۊرەو بلۊ خەڵوەتۆ ، جە وەرو ئانەیە ویر کەرۊوە کیانۊ خزمەتو شېخی بەهادینی کە بانگۊشێ کیانۊ بانەکەش پەی گېرۊرەو دڵۊپەکەی نازۊ. ئەوەڵ جار ویرکەرۊوە کە دڵیش کیانۊ پەی خزمەتو شېخی، بەڵام دماتەر چەنی وېش گنۊ گفتوگۊ و ماچۊ: نەکەری دڵی کیانی، چونکم دڵ لوایش هەنو ئامایش نیەن.
دماتەر تەکلیف کەرۊ نەسیمی کە بلۊ خزمەتو شېخی:
های نە، دڵ لواو ئاماش پەی نییەن
مەکیانەش پەی چېش نەسیم کۊ شییەن
نەسیمی کیانۊو داواش وەنە کەرۊ وەختێ یاوا حزوورو شېخی بەهادینی ئی چن هۊنیا وزۊ خزمەش:
باڵەخانەی چەم دېوانەکەی تۊ
بانەناو وە گڵ ئاسانەکەی تۊ
تکەش عاجز کەرد خەیاڵت تېشدا
ئازیز بۊ جارێ پا بنیە پۑشدا .[1]