ئەمڕۆ هێزەکانی کۆماری ئیسلامی ئێران بۆردومانی چەند ناوچەیەکی جیاجیای #هەرێمی کوردستان#یان کرد کە بووەتە مایەی زیانی گیانی و ماددی و شەهید و برینداریشی لێکەوتووەتەوە.
ئەم کارە جگە لە زیانە گیانی و مادییەکان و دڵە ڕاوکێی ناو هاووڵاتیان، پێشێلکردنێکی ئاشکرای سەروەریی عیراق و هەرێمی کوردستانە و لەگەڵ بنەماکانی دراوسێیەتی باش و پەیوەندی دۆستانەدا یەکناگرێتەوە.
وێڕای ئیدانەکردنی بۆردومانەکان، داوای بەپەلەی ڕاگرتنیان دەکەین، چونکە زیان بە هاووڵاتیان و پەیوەندییەکان دەگەیەنێت.
هەروەک هاوخەمی بۆ قوربانیان دەردەبڕین و هیوای زووچاکبوونەوەش بۆ بریندارەکان دەخوازین.[1]
مەکتەبی ڕاگەیاندنی #یەکێتیی نیشتمانیی کوردستان#