ئێوارەی ئەمڕۆ هەينی 14-10-2022، سەرۆک #نێچيرڤان بارزانی# لە پەيوەندييەکی تەلەفۆنيدا لەگەڵ بەڕێزان شوان شێخ ئەحمەد و شاخەوان جەعفەر شێخ ئەحمەد، پرسە و سەرەخۆشی لە خۆيان و خانەوادەی بەڕێزيان کرد و هاودەردی و هاوخەميی قووڵيی خۆی لەگەڵيان دەربڕی بۆ کۆستی گەورەيان کە بەرەبەيانيی زووی ئەمڕۆ لە #هەولێر# لە ڕووداوێکی دڵتەزێنی هاتوچۆدا چوار کەس لە ئەندامانی خێزانەکەيان پێکەوە گيانيان لەدەستدا.
بەڕێزيان وێڕای دەربڕينی هاوسۆزی لەگەڵيان و دڵنەوايی و دڵدانەوەيان، هيوای خواست خوای مەزن گيانی خوالێخۆشبووان بە بەزەيی و ميهرەبانيی خۆی شاد بکات و سەبووری و ئارامی بە خۆيان و خێزانەکەيان ببەخشێت. لای خۆيانەوە ئەوانيش بۆ پەيوەندی و هاوبەشی لە خەم و پەژاره و پرسەکە ياندا، سوپاس و پێزانينيان بۆ بەڕێزيان دووپات کردەوە.[1]
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 542