دەسەڵاتو ژەنۍ جە هۆرامان
نویستەی: ئەسعەد ڕەشید
هۆرامان پېسە ناوچێ خاوەن سرووشتێ جیاواز، خاوەن هۊنەرێ بیناسازی جیاواز، خاوەن سیستەمێ ئاودارای جیاواز، جە عەینو وەختینە خاوەن میللەتێ جیاواز جە زوان و کەلتوور وکەلەپوورەنە. کەلتوورو هۆرامانی چەنی ئانەیچە دوڵەمەڼەن، هەم فرە ڕەنگەن، کەلتوورو هۆرامانی زاڎەو ژیوای خەڵکەکەیشەن، بە ژەن و پېیاوە، یانی ئانە کە هەن، داراو گردو ئەڼاما کۆمەڵەکېن. زېیاتەر چانەیچە دەسەڵات جە هۆرامانەنە بەس مولکو پېیای نېیەن و نەبېیەن، بەڵکم ژەنیچ بە پاو تەوانایی وېش و ئارەزوو وېش تاوانش بلۊنە پەشتەو دەسەڵاتی و چاگۆ فەرمانداری کەرۊنە. نموونە نزیکەکۍ و وەردەسەکۍ پەی ئازاڎیی ژەنۍ و ماف و دەسەڵاتدارییش دیارېنۍ و شایەتېنۍ، لازم بە باسکەردەی نېیەنۍ، جە زەمەنە وەڵینەکانە ژەنەو هۆرامانی هەر پېسە ئیسەی خاوەن دەسەڵاتی و خاوەنو ویر و ڕاو وېش بېیېنە.
چڼ نموونێ جە ژەناو هۆرامانی کە وەڵتەر پېسە (سان)ی دەسەڵاتشان بېیەن:
خاتوو هوریزاد سانە
خاتوو منیرە سانە
ئامینە خانمە، کناچۊ ئەفراسیاو بەگی
ئافتاو خانمە، کناچۊ غەفار بەگی
عاسی خانمە، کناچۊ مەحمووڎ خانو دزڵیۍ
نەجیبە خانمە، کناچۊ مەحمووڎ خانو دزڵیۍ
کەلسوومە خانمە
بەدریە خانمەو جەمیلی
خاتوو خاڵۍ
سوفی مروەتە (خەلیفۊ شېخ عومەرو بېیارۍ و دماتەر خەلیفۊ شېخ عەلادینو بېیارۍ).
[1]
[2]