بەری نها مەلا و فوقەهائێد کوردستانێ، گەلەک دزی ژ دێرێد فەلان دکرن، لەوڕانێ، لنک وان مالێد دێران بيت المالە، هەرچی کەسێ ببەتن دروستە و گونەﮪ نینە، دنێڤا مەکسێ دا، حاجی شاقو هەبوو، کوڕەکێ فەقەﮪ هەبوو ناڤی شومو بوو، بڕاستی شوم و قەوی نەحس و شڕیر و خوەیی جەسارەت بوو، ئەسلەن ژ کوشتن و گرتنێ خەوف نەدکر و چەند فەقەهنە دی ژی وەکو خوە حەرامزا لخوە گرێدا بوو، ئەکسەرێ شولێدوان ئەو بوون کو دچوون و ب ڕۆژێ د جەسساندن و بشەڤ دێرێد فەلان نەقەب دکرن و خاچ و شەمەدانێد زیڤین و پیلون ددزین و دبرن و دچوونە وەلاتەکێ دنی، ئەو مال تەلەف دکرن و ئیجارێ ژ وێ دەرێ ژی تیکرار دێر د جەسساندن، ئەو ژی نەقەب دکرن، خولاسە کار و کەسپێدوان ئەڤە بوون، و هەر چەند میرێد وان ژی سەعی و جوهد دکرن، کو فەقە شوموی بدەست بینن و بگرن، مومکین نەدبوو، ئەکسەری بشەڤ و ڕۆژان خوە ل جیان خەف دکرن، ئەوی شوموی بخوە نەقل دکر، ئەم جارەکێ سێ مرۆڤ چوونە دێرا بەرێ کلێسا وانێ دزیێ، وەکو نیڤا شەڤێ بووی، مەجهەکێ دێرێ نەقەب کر، کون کر، لاکین بەرێد دێرێ بڕی نە، کون فرەﮪ نەبووی، ب زۆرەکی مرۆڤ ب زەحمەت پیا دبی، من گۆتە ئۆلداشان، کو یەک ژوە داکەڤن و بچنە نێڤا دەری، یەک ژوان جەسارەت نەکرن، ناچاری شومو دبێژە، ئەز داکەتمە نەقەبێ و چوومە نێڤا دێرێ، من شەمال هەلکرێ، هەرچی کو ددێرێدا هەبوون، خاچێد زیڤ و شەمەدان و پیلون، من بەرهەڤ کری و ئینایە دایە ئۆلداشێد خوە، ژ نەقەبێ دکێشان و دبرن، مەگەر ل وێ ناڤێ، ئێریسان ژ دەرڤە حسا مەکرینە و زانینە کو دز کەتیە نێڤا دێرێ، ئێدی من سەﮪ کر، ژ دەرڤە بوویە قال مەقال و قۆڕی و شەماتە، وەکو ئولداشان ژ دەرڤە سەها قال مەقال کری، ئەو ژ سەر نەقەبێ ڕەڤینە، من ژی د دێرێدا قەسدا نەقەبێ کر، کو کوسا ئەز ژی ژ دێرێ بدەرکەڤم و ژنەقەبێ بڕەڤم، ئەز چوومە دەرێ نەقەبێ، من دیت کو ژ دەرڤە فەلان دەرێ نەقەبێ گرتینە و چەند فەلە ب تڤەنگ و چەک لبەر نەقەبێ حازر وەستانە، ئێدی ئومێدا من ژ نەقەبێ هاتیە بڕین و موتەحەییر مایم و هاتمە دەرێ دێرێ، کو ژ دەرڤە هەین میقدارێ دەﮪ فەلان و ئیریسان بچەک وەستانە، و لدەرێ دێرێ دخەبتن، ئیجارێ من مولاحەزە بخوە کر کو چارە نییە، ئەڤنەدێ من دەستە گیر بکەن، بێ حیلە نابی، لازمە کو ئەز ب لێبەکێ ژ ڤان خلاس ببم، من بەرێ دەرێ دێرێ ژ هندورڤە داخست بوو، فەلە لێ دخەبتن، کو گۆیا ب تەرزەکی ڤەکەن و یاخۆ بشکێنن، ئیجارێ ئەز چوومە نیڤەکا دێرێ، من شەمەدانەکی بلند و عەبا خوە ئاڤێتە سەر شەمەدانێ، ئێکو ژ دوورڤە بدیتا، مرۆڤ حسێب دکرن، ئیجارێ هاتم پشتا دەری ژ نشکێڤە من دەری ڤەکر، خوە دایە پشتا دەری و پێڤە زەلقیم، وەکو دەری ژ نشکێڤە ڤەبوی، دوو سێ تڤەنگ ڤەبوویی نێڤا دەری، و دەرێد تڤەنگان تژی نێڤا دەری بووین، گوللە چوونە نێڤا دێرێ و فەلان داینە شیر و تڤەنگان و بکۆم هجوم کرنە کنارێ شەمەدانێ، کو عەبا من لسەر بوو، ئەز ژی ل پشتا دەری بووم، وەکو کۆما فەلان ژ من خەرجین، من خوە ل دەری دایی، ئەز بدەرکەتم و ژ دەرڤە فەلەیەک هاتە بەراییا من، و من ئەو ژی ب خەنجەرێ هنگافت و خلاس بووی من بازدایە وژپێی بووی قال مەقالا فەلان، لاکین نەگەهانە تۆزا من ئەز خلاس بووی.. و هاتم کو ئۆلداشێ من کەتنە خەبەرا من، وەکو ئەوان ژی ئەز دیتی شابوون و مە ئەو مال برنە دیار بەکرێ و فرۆتن و ژێ خلاس بووین.
#مەلا مەحموودی بایەزیدی# [1]
Этот пункт был написан в (کرمانجی - کوردیی سەروو) языке, нажмите на значок
, чтобы открыть элемент на языке оригинала!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Эта статья была прочитана раз 245