سیاسەتمەدارەکێ گەنچ وخوین کەرم لباکورێ کوردستانێ وبتایبەتی ل کەلها بەرخودانێ باژێرێ #ئامەد#ێ . دەمرتاش لرێکەفتی 10/4/ 1973ز ل باژێرەکێ پالو سەر ب پارێزگەها خارێتی ل باکورێ کوردستانێ هاتیە دونیایێ،پاشی مالباتا دەمرتاشی دهێنە باژێرێ ئامەدێ ول هەمان باژێر ئاکنجی دبن، وەکی دهێتە گوتن دەیک وبابێن وی بزمانێ تورکی دئاخفتن ل مال وهەول نەدان زاروکێن وان فێری زمانێ کوردی ببن ، دا کو ئەو ژی وەکی وان دهەمان ئاریشە وئازاراندا نە ژین ، چونکە وی دەمی سیاسەتا تورکیا بەرامبەری کوردان بڤی شێوەی بوو ، ئەگەر تورکی بکەنە وئەگەر کوردی بگری ، کوردەکێ #زازا#یە ودەرچوویێ کولیژا یاسایە ل زانکویا ئەنقەرە ، لسالا 2006 ز ئەرکێ خوە یێ لەشکەری خلاسکر، پشتی هینگێ ئێکسەر کارێ پارێزەریێ کریە ، ئێکەمین کریار بوویە ئەگەرێ گرنگیدانا دەمرتاشی ب سیاسەتێ وکارێ ڕێکخستنێ تیرورکرنا سیاسەتمەدارێ کورد وداد ئایدن سەروکێ لسالا 2007 ز وتاوان هاتە ڕاگەهاندن کە بکەر نەدیارە ، سەلاحەدین دەمرتاش هاتیە هەلبژارتن بو ئەندامێ پەرلەمانێ تورکیا ، لسالا 2010 ز ناڤبری بوویە هاوسەروکێ پارتی ئاشتی ودیموکراسی گەلان (#هەدەپە#) خودان خێزانە ودوو کج هەنە بناڤێن (دەلال ودلدایە) سەلاحەدین دەمیرتاش ناڤێ بابێ وی تاهرە وکارێ وی دوکاندارە ودەیکا وی سەعدیە کابانیا مالێ یە، دەمیرتاشی 7 خوشک وبرا هەنە ، 4 کچن و3 کورن ،خوشکا وی ئایگول پارێزەرە ، دوو خوشکێن دی ماموستانن ، برایێ وی سلێمان ئەندازیارە ، بتنێ برایێ وی نورەدینی زانکو تەمام نەکریە ، دەمێ ژیێ نورەدینی 22 سالبوون هاتە دادگەهکرن بەتومەتا جودابوونێ ژ تورکیا ب 22 سالان ، پشتی دەمەک بوراندی دگرتیخانێڤە لسالا 2004 ز هاتە ئازادکرن ، لسالا 2007 ز نوردەینی دبیت سەروکێ پارتی یەکگرتووی دیموکراسی ودهەمان سالدا دادگەها تورکیا بریارا زیندانیکرنا وێ دەرئێخست ، نورەدین بەرەڤ باشورێ کوردستانێ دچیت ونوکە لناڤ ڕێزێن گریلا خەباتێ وتێکوشینا چەکداریی دکەت ، سەلاحەدین دەمیرتاش خێزان پێکئینا لگەل کچەکێ بناڤێ (باشاک) کارێ وێ ماموستایە، کە هەردووک هەڤالێت زاروکینیێ بوون ، لسالا 2004 ز کچا ئێکێ پەیدا دبیت بناڤێ (دەلال) ولسالا 2007 ز کچا دووێ پەیدا دبیت بناڤێ (دلدا) کێم زمانێ ئیگلیزی دزانیت ، خانیەک یێ هەی ل ئامەدێ نەرخێ وی (122) هزار دولارن ونڤێسنگەها وی یا پارێزەران ب نەرخێ (100 هزار لێرێت تورکی) هزار لێرێن تورکیە وسێ ئوتومبل یێن هەین دوو داینە حزبێ وئێک ژی هەڤژینا وی بکاردهینت ، نوکە هاتیە گرتن بدەستێن فاشست .
ڕدوان گولی / سوید [1]
Этот пункт был написан в (کرمانجی - کوردیی سەروو) языке, нажмите на значок
, чтобы открыть элемент на языке оригинала!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Эта статья была прочитана раз 564