یاران ئەر پەرسان وازیع کیتاب
«عبدالقادر» ەن جە قەید عەزاب
حوجرەی دڵ بە مەیل حەق کەردەن گوشاد
ئینشەڵڵا جە قەید زوو مەبۆ ئازاد
«خصوصا» ئیمڕۆز قەلبم گوشادەن
مەتڵەبم جە حەق «حسب المراد» ەن
نەزدیکەن جە نۆ بە یاریی یەزدان
بنیشوون بە شاد جە موڵک بازیان
مەبۆ بە مەسکەن تەخت چەمچەماڵ
مەکەروون وە پا خەیمەی سیاماڵ
مەکەروون سەیران سەحرا و دەشت و دەر
مەوینوون وە چەم حەبیبان یەکسەر
جە سەحرای ویسعەت فەسڵ بەهاران
مەکەریم شکار ڕەمەی تەتاران
مەنیشیم نە تۆی عەرووسی و ئوتاق
زەمزەمەی زەوقم مەیۆ نە ئافاق
ئەمما بە شەرتێ نەکەی ڕیاسەت
نەکەی فەرامۆش ئەی گشت سیاسەت
تەئریخ تەئلیف میعراج خاتەم
سەنەی هەزار بی جە سێسەد سێ کەم
سوڵتان ئێران «ناصرالدین» بی
سوڵتان حەمیدخان جە قوستەنتین بی
یاڕەببی ڕەحمەت بێحەدد و حیساب
عەتا کەر بە ڕۆح «قاریء الکتاب»
هەم بەر موئەللیف هەم بەر سامیعان
عەتا کەر یاڕەب ڕەحمەت بێ پایان
بەر نوور جەمال «سيدالنام»
هەزاران دروود، هەزاران سەلام
#فەقێ قادری هەمەوەند# [1]