ئەديبا عيزەدين تاهر
بوردومان یا ژ ناڤێ وێ دیارە ویە؟؟ بوردومان ب ڕامانا وێران کرن،مال وێرانی،خراب کرن، تێکدان، باشە ئەڤ چکێ کو هاتیە چێکرن ژ بو شەڕ و جەنگان ژ بو پاراستنا خاک و نەتەوەیا خوە و گەلێ خوە بەلێ چاوا ؟؟؟ دەمێ کو ب ڕاستی دەستدرێژی ل ئاخا مروڤی تێتە کرن ، دەمێ بزانین گەلێ مروڤی دناڤا مەترسیدایە ،دەمێ کو گەلێ مرۆڤی یێ زولمێ دبینێت وایە؟؟
لێ مروڤان خوە بێ ڕەحم کرییە وا کرییە کو دژی هەڤ بین کەس ڕحمێ ب کەسێ نەبێت بو؟؟ ما هەموو نە ڕحن ما هەموو نە خوین و گۆشتن !! بو ئەم هەموو پێکڤە لسەر ڤێ زەڤیا بچویک ب خوەشی ناژین چما بو ئێکدو ب ڕەحم نابین چما ئێکدۆ قەبول ناکین بوچی گه لێ خوە بو ئێکدو نادین نیاسین بوچی ئاخا خوە بو ئێک پیروز نادانین بوچێ بو ئێکدو خوەش ناکەین ،حەز ژ وەلاتێ ئێک ناکەین، وەلاتێ خوە بۆ ئێکودو شروڤە ناکەین ئاخر بوو بوو بوو؟؟؟
ئەم هەردەم بەحسا بەهە شتێ دکەین ئەرێ ما ئەڤ زەڤیا کو ئەم تێدا نە بەهەشتە ؟ ئەم ل ڤێ گەردونا بچویک ڤان نەعمەتێن خودایی و ڤان زەڤی و زارێن پر جوان کو ژ مەڕە ئافراندینە چما ئەم وێ خراب دکین؟چما ئەم جورئەتێ ددین خوە کو دهەمبەر ئافراندنێن خوەدی ڕاوەستین و ئافراندنێن دەستی وی ب کەرب و کین تێکبدەین و ڤێجا ژ خوە ڕە بێژین ئوولدار و خودێ دوست و خوەدێ خواز؟؟؟ ئەوێ ڤان کردارا بکەت نەک خودێ نیاس نییە و بەلکو مەلعوونە و دژی خوەدێیە.
داخازا چ لێبوورینان ژی ناکەم ئەگەر هەستەکا من ئەز هەژاندنم کۆ ڤان وشەیان بکار بینم ژ بەر چێ من ئەڤ چەندە گووت؟؟ ژ بەر کو بۆردومانا 20/7/2022 و ئەوێن ب سالانە ل دەڤەرێن کوردستانێ دهێن کرن کەسیش خوە ژ وان ڕە ناکەت خودان و ئەگەر ژ ئەگەرا ڤان بوردمانان نەبایە دبیت کو مە زەڤی و زار و غاباتێن جوان یێن سروشتێ جوانێ کۆردستانێ هەبان
هون دزانن چ تشتەک ئەز پڕحیبەتگرتی کرم !! ئەوێ چەندێ کۆ باشە حەیا نها تە دیتیە مروڤ ل مالا خو ڕوینیشتی بیت و ب پیاڤه بێنە سەر مالا مروڤی؟ ئەرێ حەتا کەنگی دێ هوسا بیت؟ هەتا کەنگی دێ غیرەتا تاخوە ل پشت دولار و کوشک و تەلاران ڤەشیرین،خەلکێ کوردستانێ خەلکەکێ ڕێنجبەرە و کارێ کشت و کالی و زەڤی و زاران دکەت لێ کومەک دز و تلیاکچی و ب کرێ گرتی و خوە بروشێن ب ناڤێ پ ک ک وە کرییە کو خەلک نکاربیت ل مالا خوە و ل زەڤی و زارێ خوە کارێ خوە بکەت و نکاربت زەڤیا خوە بکێلیت و جووتێ خوە بکەت ژ بەر کو ئەم دزانین کەدا خەلک لسەرڤێ ژیانا خولیسەرییە،میللەتێ مە میللەتەک ستەم دیتیە میللەتەک کو حەز ژ خوەشی و ژیانەک ئارام دکەت خەلکێ کوردستانێ پشتی کو هەموو پێکڤە خڕ بۆینەڤە وا هزر دکر کو ئێدی هەتاهەتایی ب خوەشی دژین بێی کو چو ئالییەک بو ڤی خەلکی نەخوەشییەک چێ بکەت لێ ئەڤڕو ب موخابنیڤە ئەم دبینین کو پیسە پ ک ک یێن دوست و هەڤاڵی دوژمنی و دوژمنێ کوردان بوییە ئاریشەیەکا مەزن ژ بو میللەتێ کورد ،هەر وەسا کو من ئیشارەت پێ کری گەلو تە دیتیە لسەر مالا خوە لسەر ئاخا خوە کەسەک ڤێ ئازادیێ ژ مە بستینیت و نەهێلیت ئەم ئارام و ب خوەشی بژین، ئەڤ خاکە خاکا مەیە ئەڤ وارە وارێ مەیە مالا مەیە، مە ڕەنج و زەحمەت دیتییە ل سەردەمێ دەسەڵاتا سەدام حوسین ژیانا مە ب مەترسی دەرباز دبو لێ ئەو شۆڕەشو خەبات و بەرخوەدانا کو مە کری ژ بەرکو سەدام حوسین ستەمکاربوو ئو مافێ میللەتێ مە دخوار ئەم ئەنفال و کیمیا باران کرین لێ مە خوە ڕزگارکر دەمێ کو مە پارچەیا خوە ستاندی ئەڤ دەستکەفتە ب ساناهی نەبوو گەلەک خوین هاتن ڕێشتن گەلەک قوربانی مە دان هەیا ئەم کارین میللەتێ خوە ڕزگار بکەین لێ هێشتا یا مای ژ بوگەهان ب ئارمانجا مەزن هەلبەت ئەگەر بهێلن . پەکەکێ ب تەخمینی خوە دکەت خودانێ نزیکی 25 تا26ملیون کەسان لەوما دپرسم باشە چما نەکارینە تا نهو خوە ڕزگار بکەن و ئەو کوردستانا مەزنا کو دبێژن چیبکەن، مانە دبێژن دخەبتین کو کوردان ژ دەست ستەمکاران خەلاس بکین کو تا نها خوە چیلکە شخارەتیەک ژی وان ڕە هەلنەکریە، یا خوە نکارییە ب چاڤەک خوار ژی مێزە کەتە دەرووزەچییەک تورک ژی، ئان بەروڤاژیدڤێت کو تشتەکێ دی ل پشت پەردەی ب ڤه شارتی هەبت!! سروشتێ کۆڕدستانێ بالا خەلکی دکێشە با خوە و خەلکێ ژ بو سروشتێ جوانێ خوە ڤەدکێشە ،وان چیایێن جوان وان کانیێن زەلال وێ خابیرێ ب سەبر وە کرییە کو خەلک ژ دەرڤە قەستا کوردستانێ بکەت لێ ئەڤڕو وەکو ئەم دبینین وەسا چێبوویە کو خەلک ئێدی نکاریت قەستا کوردستانێ بکەت یا ژ هەمیا گرنگتر ل هەموو جیهانێ دا نینە کۆ ئەگەر تو ژ بەخیلیا خوە ژخوەشیا میللەتەکێ بەڕەنجی یان د شەڕی دا بی ژ بو وەرگرتنا ئاخا خوە یان دەسکەفتێن خوە یان توخیبێن خوە چێ نابت کوخەلکەک سڤیل هەیا خوە تلیا وی ژی خوین ژێ دەرکەڤێ گەلەک نموونە مە هە نە، شەڕێ ئێران و عێراقێ ، شەری نها یێ ڕوسیا و ئۆکراینا ل هیچ دەستورەکیدا نینە.
هەلبەت ئەوا ئەز دزانم کو خەلکێ سڤیل هاتینە بوردومان کرن و ب موخابنیڤە گەلەک ژ خەلکێ مە بینە قوربانیا کو ئەم بخوە ژی تێناگەهین ژبەر چ. د ڤێ بوویەرێن بوردومان بومبەباران کرنان خەلکێ بیانی ژی، مینا خەلکێ عەرەبێن عیراقێ و ئێن دەروجیرانان ژی ل کۆردستانێ بونە قوربانیا ڤێ ستەمکارییی ڤێجا پێدڤیە و لازمە کو دویڤچوونەک بێتە کرن چونکی ئێدی خەلک قەستا ڤێ سروشتێ جوانێ مەترسیدار ناکەن خەلک هەست ب ماندی بونێ دکەن ،خەلک نکارن دەست ژ زەڤی و زارێن خۆ بەردەن و ژیان پڕزەحمەت بوویە ژ وان ڕە لەوما خەلەک ناچارە خوە بەت باژێڕان بەر ب باژێڕانڤە بچیت و ئەڤ چەندە ژی دبیتە ئەگەرێ هندێ کو ڕێژەیا بێ کاریێ بلند ببیت و گەنج و تولازێت وەڵات قەستا دەرڤە بکەن و دبیتە ئەگەر کو بەرهەمێ ناڤخویی ژی بێ بوها ببیت و بەرهەمێ خەلکی ب گرانی بهێت فروتن ب تایبەت ژی ئەگەر کەرتێ گەشت و گۆزاری زیان بەربکەڤیت ئەڤە ژی دبیتە ئەگەرێ زیان و زرارەک مەزن ژ بو مە هەمیان. مخابن و ب ڕاستی ژی سەد مخابن.
21/7/2022 .[1]