#سەیدی هۆرامی#
سەیدی عاشقەن، جە تاوەو عەشقو (نیشات) ېنە، تووشو یاو و لەرزی بېیەن، پەی نەوەشیەکەیش کیاستەنش شۊنەو حەکیمێ، حەکیم ئامان، جە شەوېنە یاوان سەروو سەیدی، مانگەی چواردۍ، نیشاتە ئامێنە، ئیتر یاوانەنە کە حەکیم و پزیشک و ئاڎی مەعشووقەکېشەنە، تەنیا نیشاتەنە.
ئەز ئاشک بېنۍ، گېرېم ياوو ئەشکێ
گرينېو سۊچنېم من «ياو»و ئەشکێ
نەبێۍ حاڵم وەرۊ ئەشکێ عەزيمێ
ڕوێو کۆمم کياستم پەی حەکيمێ
ديۆم چېش يارم ئۆما وەختێ شۆمه
ئەرەجيۍ «مۆنگه»نه، مۆنگێ تەمۆمه
من ئېشەو هۊمدەميم سا سێ نەبۊ کەس
شەريکو هۊمدەميم يارم وەسۊ وەس
مەمەڵجېش «نار»ه، کوڵمېش سووره «ساو»ه
وېش ئەجيۍ «سەڵوينه» مدرێنه پاوه
نەتاوانم وەرو چا ساو و نارێ
دەمېو کۆمم چەنيش گيرۊ نە زارێ
دەمېو نيشته چەنيم، دەسته زرۊنێ
وەنەش لاڵام، وه «ياسين»و «کرۆن»ێ
دەمېو نەزڵەم بۍ، ئەز واچېنۍ مێرۊ
شوکر ژيۆوه دۊسەم کارێ گېرۊ
من ئېشەو «مێره» بېنې، ئاده «عيسا»
دەواش گېرۆ، بەرۊوه زينده، ئيسا
دەموو ڕۊی يارەم ئېزاوە و لواوه
حەکيمێ چەو دما نيشتمەره لاوه
ڕەگش گرتو دەمېو دەستش فشارۆ
سەرەش لکناوه واتش: ئينەنه يارۆ
تەبيبوتۊچمان دۊستت برێنه
نيۊت هيچ «صەيدی» ته دەرووت شرێنه.[1]