ناو: زیاد
ناوی باوک: وەلی سدیق حسێن:
ساڵی لەدایکبوون:1946
ڕۆژی شەهیدبوون: #11-03-1991#
شوێنی لەدایکبوون: #کۆڕێ#
شوێنی شەهیدبوون: #هەولێر#
$ژیاننامە$
لە ساڵی 1946 لە شارەدێی کۆڕێ لەدایکبووە، قۆناغی سەرەتایی و ناوەندی هەر لە و شارەدێیە تەواو کردووە، پەیمانگای پیشەسازیی لە شاری هەولێر تەواوکردووە، دواتر بووەتە فەرمانبەر لە گەشتوگوزاری سەیرانگای سەری ڕەش، لە ڕێکەوتی 11-03-1991 دوای ئەوەی سەربازگەی هەولێر کۆنترۆڵ دەکەن و دەچنە ناوییەوە، فڕۆکەکانی ڕژێمی بەعسی ڕووخاو بۆمبارانی سەربازگەکە دەکەن و ناوبراو شەهید دەبێت.
$خەباتنامە$
لەوکاتەى لە ساڵی 1969 قوتابى بووە لە پەیمانگای پیشەسازیی هەولێر، پەیوەندیی بە ڕێکخستنەکانی یەکێتی قوتابییانی کوردستانەوە کردووە. دوای تەواوکردن و دامەزرانی پەیوەندی هەر دەمێنێت و پەیوەندیی بە ڕێکخراوی پیرمامی سەر بە ناوچەی #شەقڵاوە# ی #پارتی دیموکراتی کوردستان# دەکات.
بەهۆی بوونی خوێندەوارییەکی باش دەبێتە کادری بەشی ڕێکخستنی ناو شاری ڕێکخراوی پیرمام، لە یەککاتدا کار بۆ ڕێکخراوی یەکێتی قوتابییانی کوردستان دەکات لە قوتابخانە و پەیمانگاکانى سنووری ناوچەی شەقڵاوە و ناو شاری هەولێر، هەروەها کاری ڕێکخستن بۆ ڕێکخراوی پیرمام دەکات لە ناو شار کە ڕاستەوخۆ پەیوەندی لەگەڵ (عومەری مەلا زادە- مام ڕەسوڵ فەقێ) دەبێت.
لەنێوان ساڵانی 1979 تا 1986 بۆ چەند چالاکییەکی تایبەت لە ناوشار چەکی هەڵگرتووە، لە سەرەتای ساڵی 1991 دووبارە چەک هەڵدەگرێتەوە و بەشداریی ڕاپەڕینی گەلی کوردستان دەکات لەگەڵ پێشمەرگەکانی ڕێکخراوی پیرمام، لە ڕێکەوتی 11-03-1991 سەربازگەی شاری هەولێر کۆنترۆڵ دەکەن. [1]