ژەنێ مەنمیە

ژەنێ جە عەشرەتو مەنمی، برێوە و مېردێ و کوڕێوەش مەبانۍ، زیڼانو حکومەتو ئێرانینە فەرمانو قەنارەیشان دریۊ ملەرە، ڕۊ قەنارەدایشا، ژەنەکۍ وەردەمو مێڎانو قەنارەینە بېهۊشە گنۊن، حاکم مەکیانۊ باراش، وەختێ هۊشش مێوە، حاکم ماچۊ: چا یەرە کەسەیە، من یۊشا ئازاڎ کەروون، بە مەیلو وېت یۊشا هۊرچنە.
ژەنەکۍ ماچۊ: براکەم.
حاکم مەپەرسۊش وەنە: چی براکەت هۊرچنی، جە وەختێنە کوڕەکەت جەرگتەن و مېردەکەت نازدارتەن.
ژەنەکۍ ماچۊ: براکەمم هۊرچنی، چونکم سەوای ملوو شوێتەر کەروو، ئانە مېرد، دماتەر کوڕێم بۊ، ئانەیچ کوڕ، بەڵام من ئیساتۍ چکۊ ئەڎێ و تاتێم باروە تا برێوەم پەی بارا، حاکم کەگۊشش جە جوابەکەی بۊ، هەریەری ئازاڎۍ کەرۊن.[1]