ناڤ: فەرهاد
ناسناڤ: پیرباڵ
ڕۆژا ژ دایکبوونێ: #20-8-1961#
جهێ ژ دایکبوونێ: هەولێر
$ژیاننامە$
فەرهاد پیرباڵ؛ نڤیسکار، هەلبەستڤان، ڤەکۆلەر، نیگارکێش، ئەکتەر و مامۆستایێ زانکۆیێ یە. پیرباڵ ژ دایکبوویێ 20 ئابا 1961ێ باژارێ #هەولێر#ا باشوورێ کوردستانێ یە. ساڵا 1982 خوەندنا خوە ل زانکۆیا سلێمانیێ تمام دکەت و ل ساڵا 1984 تێکەلی ڕێزێن یەکەتیا نڤیسکارێن چیا دبیت. هەر ل ڤێرێ ئێکەم پەڕتووکا خوە کو شانۆنامەیەک ب ناڤێ «ماڵئاوا ئەی وڵاتەکەم» بوو بڵاڤ دکەت. ژ بۆ کو خزمەتا سەربازیێ نەکەت، دچیتە وڵاتێ ئیرانێ و هەشت هەیڤان ل ڤێرێ دمینیت، پاشی دچیتە ئەڵمانیایێ و پاشی دانیمارک و دوو ساڵان ل دانیمارکێ دمینیت. پشتی وان دوو ساڵان ب ڕێیا بورسا دەولەتا فەڕەنسایێ کو ژ ئالیێ «ئەنیستیتۆیا کوردیا پاریسێ» دهاتە پار کرن، دچیتە فەڕەنسایێ و هەشت حەتا نە ساڵان ل فەڕەنسایێ دمینیت.
پیرباڵ ل هەیڤا ئۆکتۆبرا ساڵا 1994 ڤەدگەریتە کوردستانێ، حەفتییەک پشتی تمام کرنا دکتۆرایا خوە ل زانکۆیا سۆربۆنێ، ل بەشێ دیرۆکا وێژەیا نویا کوردی ل زانکۆیا سەلاحەدینێ هات دامەزراندن. پیرباڵ دەمێ کو ل دانیمارک و ئەڵمانیایێ بوویە، وەک سەرپەرەشتیارێ بەشا وێژەی و وەک پەیامنێر و ئەندامێ دەستەیا نڤیسکاران ل گەلەک گۆڤارێن وەک خەرمانە و نودەم ل ستۆکۆڵمێ، هەر وەسا گۆڤارێن وەک یەگرتن و دەروازە ل دانیمارکێ، هیوا ل پاریسێ و ل گەلەک گۆڤارێن دن ژ دەستەیا نڤیسکاران بوویە. هەروەسا ل گۆڤارا «وەرگێران»ێ سەرنڤیسەر بوویە کو ژ ئالیێ وەزارەتا ڕەوشەنبیریێ دهاتە بڵاڤ کرن. فەرهاد پیرباڵ ژ بلی وان، ل گەلەک گۆڤار و دەزگەهێن دی یێ ئەدەبی نڤیسەر و سەرنڤیسەر بوویە. پیرباڵی حەتا وەرزێ ئێکێ یێ ساڵا 2009 چل و سێ پەڕتووک نڤیسینە و بڵاڤ کرینە. ئو بەرهەما ڤی یا هەری نوو، ڕۆمانەک ب ناڤێ «لە حەکایەتەکانی باوکم»ە کو ژ 450 ڕووپەلان پێک تێت.
$ژیانا هەڤژینیا پیرباڵی:$
فەرهاد پیرباڵ ئێکەم پرۆسەیا ژیانا خوە یا هەڤبەش ل گەڵ هەلبەستڤان #تەرزە جاف# پێک ئینایە کو بەرهەمێ هەڤژینیا وان کچەک و کوڕەک دبن ب ناڤێ ڕۆدان و تنۆک. پیرباڵ پشتی کو ل تەرزە خانێ جودا دبیت، ل ساڵا 2016 ژیانا هەڤبەش گەل ئاڵا دڵشاد پێک دئینیت. ئاڵا دڵشاد دەرچوویێ بەشا یاسایا زانکۆیا حەیاتە. لێ پیرباڵ هەر د ڤی ساڵێدا وێ پەیوەندیێ دا ژیک نامینی و جودا دبیت.
$بەرهەمێن فەرهاد پیرباڵی$
چیرۆک و ڕۆمان:
پەتاتەخۆرەکان (کۆمەڵە چیرۆک)
مولازم تەحسین و شتی تریش
حەوت وێنەی ڕووتی ژنی جەنابی وەزیر (ڕۆمان)
سانتیاگۆ دی کۆمپۆستێلا (ڕۆمان)
منداڵباز. (ڕۆمان)
پیاوێکی شەپقە ڕەشی پاڵتۆ ڕەشی پێڵاو شین
عەبدولڕەحیم ڕەحمی ھەکاری
ھوتێل ئەورووپا
حیکایەتەکانی باوکم (ڕۆمان)
قەبرێکی سێگۆشە. (ڕۆمان)
زمانی حەیزەران
زێڕی ناو زبڵ
ڕەئیش ڕەمەزانەکان.
زار و مارەکان
چیم دی؟
ئەو کتێبانەى ژیانیان گۆڕیم
شانۆنامە:
ماڵئاوا ئەی وڵاتەکەم.
کۆمەڵگای مەدەنی
بەیانی باش ئەی غەریبی
باوک (وەرگێڕان)
سۆزانییە بەڕێزەکە (وەرگێڕان)
نووسەرێکی گێل
حەشیشەکێشەکان
ئەو پیاوەى تەنیا لەکاتى خەودا دنیاى پێ جوان بوو
لێکۆڵینەوە
هەلبەست:
پەناھەندەی ژمارە 33333
من پیاوێکی عەنتیکەم
گوڵبژێرێک ژ هەلبەستێن ژاک پریڤێر (وەرگێڕان)
جیاوازییەکانى من و نێوان شێت
پێنج کتێب و نیو
خەوننامەی فەرهاد پیرباڵ
بەڵێ، من عاشقی فڕوغی فڕوغزادم
قورئان، داپیرەگەورەى کتێبان [1]