ئەندامێکی مەکتەبی سیاسی #یەکێتیی نیشتمانیی کوردستان# ڕایگەیاند، مەعقول نییە پایتەختی هەرێمی کوردستان ببێتە شوێنی کۆکردنەوەی ئەو کەسانەی لە یاسا یاخی دەبن، لە پایتەخت هێز بۆ خەڵک درووستدەکرێت لە کاتێکدا قسە لەسەر یەکخستنی هێزی پێشمەرگەی کوردستان دەکەین.
#ستران عەبدوڵڵا#، ئەندامی مەکتەبی سیاسی یەکێتیی نیشتمانیی کوردستان و لێپرسراوی مەکتەبی ڕاگەیاندنی (ی.ن.ک) ، ڕایگەیاند، #هەولێر# پایتەختی هەرێمە و ناوێکی جوان و شایستەی هەیە، بەڵام مەعقول نییە، ئەم پایتەختە ببێتە شوێنێک بۆ کۆکردنەوەی ئەو کەسانەی لە یاسا یاخی دەبن. وتیشی، قسە لەسەر یەکخستنەوەی هێزی پێشمەرگە دەکەین، بەڵام لایەنێک هێز بۆ کەسانی یاخی بوو و لەیاسا دەرچوو درووستدەکات. ستران عەبدوڵڵا دەشڵێت، هێزە سیاسییە کاریگەر و خاوەن مێژووەکان دەمێننەوە، سیاسەت کردن ئەوە نییە بەدیل بۆ لایەنەکان درووست بکەیت، چونکە ئەو کارە لە بەرژەوەندیی کۆمەڵگەدا نییە، بەڵکوو پێویستە ڕێز لە بۆچوونی لایەنە سیاسییەکانی هەرێم بگیرێت. ئاماژەی بەوەشکرد، ناکرێت بەناوی یاساوە کاربکرێت بۆ تێکدانی پەیوەندی نێوان دوو حزب لە هەرێم. باسی لەوەشکرد، لایەنە ئێراقییەکان بەردەوام جەختدەکەنەوە لەوەی وەفدی یەکگرتووی کورد لە لە #بەغدا# دەتوانێت کێشەکان چارەسەر بکات. [1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 689
Ваше мнение о предмете!