ڕەنگە ڕۆژانە خانمان و پیاوان ڕووبەڕووی ئەو کەسانە ببنەوە کە سەرسامیانن یان داوای پەیوەندییان لێدەکرێت و نەزانن چۆن ڕەتی بکەنەوە بێ ئەوەی ئازاری هەستەکانی بەرانبەرەکەیان بدەن و ڕێز لەنێوانیان بمێنێتەوە.
بە چەند ڕێگەیەک دەتوانیت بە ئەتەکیەتێکی جوانەوە بەرانبەرەکەت ڕەتبکەیتەوە.
1- سەرەتا داوای لێبوردن بکە، پاشان بۆی باسبکە کە ناتوانیت پەیوەندیت لەگەڵیدا هەبێت.
2- ڕاستگۆبە لەگەڵیدا، بەڵام وشەکان بە وریایی هەڵبژێرە کە بریندارکەر نەبن، بۆ نموونە لەبری ئەوەی بڵێیت، تۆم بە دڵ نییە، بڵێ، تایبەتمەنییەکانی من و تۆ یەکناگرنەوە.
3- ڕووبەڕوو بیڵێ، چونکە کاتێک دوو کەس ڕووبەڕووی یەکتر قسە دەکەن، شێوازی دەربڕینیان نەرمتر دەردەکەوێت بە بەراورد بەوەی بە نامە قسە بکەن.
4- ئەگەر دڵنیایت لەوەی ئەم کەسەت ناوێت، باشترە وشەکانت یەکلاکەرەوە بن کە ڕەتیدەکەیتەوە، نەک بە شێوەیەک دەربکەوێت کە ئەو هیوای بە درووستکردنی پەیوەندییەکە هەبێت.
5- هیوای باشتری بۆ بخوازە، بەمشێوەیە دەزانێت ڕق هۆکاری ڕەتکردنەوەی ئەو نییە.
6- مەرج نییە پێویست بکات هۆکاری ڕەتکردنەوەی بۆ ڕوونبکەیتەوە، بەڵام ئەگەر دەزانیت ئەو ڕوونکردنەوەیە هەستەکانی ئازار نادات، دەتوانیت بیڵێیت. [1]