وەزیرێ کارێن هوندر یێ ترک سولەیمان سۆیلو، ئیرۆ ب داخویانیەکێ ڕاگهاند کو یەک ژ ڕێڤەبەرێن پایەبلندێن #هەپەگێ# «حەمدیە یالچینکایا» ب ناڤێ کۆد «لەیلا ئامەد»، ژیانا خوە ژ دەست دا یە.
د داخویانیا سۆیلو دە وها هات گۆتن: «تەرۆریستا هەری بلند یا د ناڤا سینۆرێ ترکیەیێ دە؛ د کاتەگۆریا ڕەنگێ سۆر دە جیﮪ دگرت فەرماندارا مەیدانا بۆتانێ، لەیلا ئامەد مە کوشتییە».
هات ڕاگهاندن کو د 22/1/2023ێ دە ل هەرێما بەستا یا سەر ب شرنەخێ ڤە، یەکینەیەکا ژ 7 کەسان کو لەیلا ئامەد ژی د ناڤ دە یە، ژیانا خوە ژ دەست دا نە.
ل گۆری داخویانیێ، د ئۆپەراسیۆنا « ئەرەن دۆرپێچ یا پاییز- زڤستانێ» دە، کو 7ێ ئادارێ دەست پێ کربوو جەنازەیێن وان هاتن دیتن.
ل گۆری داخویانیێ، جەنازە ل سەر خەتا گرێ سینۆبەر یێ هەرێما بەستایێ، هاتنە دیتن.
دەربارێ ڤێ مژارێ دە هەتا نها پەکەکێ ت داخویانی نەدانە.[1]