ناڤ: خەجیج
ناسناڤ: خەجەباوە
ناڤێ بابێ: حەمەد
ساڵا ژ دایکبوونێ: 1945
ڕۆژا مرنێ:#11-03-1991#
جهێ ژ دایکبوونێ: گوندێ مەلا قەڕە
جهێ مرنێ: هەڤلێر
$ژیاننامە$
خەجەباوە ئەو ئافرەتە کوو سیمبولا #ڕاپەڕین#ێ بوویە ل #هەڤلێر#ا پایتەختا هەرێما کوردستانێ، خەجەباوە ئێکەم ژنا د شوڕەشا و خەباتا کوردایەتی یێ نییە کوو شەهید بوویە لێ بەلێ د ڕاپەڕینا هەڤلێرێدا ناڤەکە دیار و ژبیر نەکرییە، ئەو ژبوو ئازاد کرنا وڵاتێ خوە شەهید بوو تاما ئازادیێ لبن ئاڵایێ خوە نەکر.
خەجیج حەمەد باوە یاکوو بەرنیاس ب خەجەباوە ل ساڵا 1945ئان دە ل گوندێ مەلاقەڕیێ دەشتا هەڤلێرێ ژدایک بوویە، سێ کووڕ و چووار کچ هەنە کوو لدویف وێ دگەل ناڤەکە هەردەم زیندی ل هەڤلێڕی و ڕاپەڕینا وێ بجێ ماینە.
ل ساڵا 1962ێ دە تەڤلی #شوڕەشا ئەیلوول#ێ بوویە ل تەڤایا شەڕ و شوڕەشا باژێڕ و باژێڕۆکان، دەستێ وێ تێدا هەبوویە وەکە شەڕێن (ئاخودا و دیدەوان و بێستانە و سماقوڵی)، خەجەباوە چەندەها سەرکێشی د پێشمەرگایەتیا خوەدا کرییە، ب چەندەها جاران پێشمەرگەهێن بریندار ب قەچاخی ئانینە هەڤلێرێ و چەک و تەقەمەنی د مالا خوەدا حەشار داینە.
ل ساڵا 1968ێدا بو ماوێ 3 مەهان دوو پێشمەرگەهێن بریندار د مالا خوەدا حەشار ددەت هەتا وێ دەرەجێ کوو زارۆکێن وێ ژی ب ڤی کارێ وێ ئاگەهدار نەبووینە و لسەر ئەرکا خوە یا ماددی هەتا ساخلەمییا خوە بدەستڤە ئانییە چاڤدێرییا وانا کرییە.
ل ساڵا 1957ئان دە تەڤایا گەلێ کوردستانا باشوور دێ بەرەف ڕوژهەڵاتێ کوردستانێ و وڵاتێ ئیرانێ کوچ بکەن و پشتی نسکۆیا شوڕەشێ دڤەگەڕت ژبو باژێرێ هەڤلێرێ، هێشتان هەڤلێر ڕانەپەڕی بوو، گوت گوت دناڤا خەلکی دە چێ ببوو کو کی دەمەی پێشمەرگە دهێتە ناڤا باژێڕێ و خەلکێ ئامادەکارییا خوە دکر، خەجەباوە هەستت ب کومکرنا ئافرەتێن گەڕەکێ و ب دروشمان تەڤی خوەشک و برا و کور و خزمێن خوە دێ بەرەف مەنزومە محافزە بکەڤنە ڕی و هێرشا وانا دکەن. خەجەباوە ل (11-03-1991)ئان دە ل هەڤلێرێ وەغەرا داویێ کر.[1]