#بېسارانی#
چراغم چگیر دەستچینی تۊ دیم
سەنگ بە سەنگ گېڵام فیدای یەک یەک بیم
پەرسام ئەی چگیر سەنگ جە سەنگ جېیا
یە دەستی کۍ بۍ تۊش وە هەم نېیا؟
وات زڵېخایێ بۇم خۆرە زەردەن
بە پەنجەی سێوەنگ ئېمەش جەم کەردەن
جەو بۊنە مەبۇن بە فیدای سەنگش
ئەڵبەت شنەفتەن ڕازێ جە دەنگش
ئەو سەنگی چگیر ئازیز نېیابۍ
فیداش بام فیدا، هېمای نەو جا بۍ
من یەند سەبرم کەرد سەنگ نەبی وەلاڵ
ها، من بیم وە سەنگ، سەنگ بی وە زۊخاڵ
[1]