#بېسارانی#
یاران دېوانە، یاران دېوانە
من خۊ ئاهېرناک، وېڵ و دېوانە
کەردەنم بە زێد، چۊڵ و وېرانە
سازانم چەنی بایەقوش لانە
ئەو بە ناڵەی وېش، من جە تاوی دەرد
بېداریش هەر شەو تا وە شەوەقی زەرد
بەڵۍ من هەردەم، هەر سات جە نۊوە
جە دۇدی ئاهم، ئاهېر مەبۊوە
مەتەرسۇن ناکا بایەقوش باڵش
سۊچیۊ بە ئاهم، پەشېو بۊ حاڵش
واچدۍ بایەقوش، ئەر فامێ هەن پېش
ئەو جە هامسایەی، گڕ بە دەستش چېش؟
بشۊ وېش بدۊ بە ئاوای یانە
من بە ئەو چەنی، چۊڵ و وېرانە
[1]