ناڤ: هاوار
ناڤێ بابی: مەلا محەمەد
روژا ژدایک بوونێ:#01-06-1981#
جهێ ژدایک بوونێ: #موسڵ#
$ژیاننامە$
هاوار مەلا محەمەد تاهڕ زێباری ل01-06-1981 ل باژێڕێ موسڵ ژدایک بوویە، یاریزانێکێ کورد یێ تەپا پێ یا عێراقێ بوویە، ئێک ژ باشترین یاریزانێن عێراقێ تێ هەژمار کرن د هەیامێن بوهریدا.
هاوار مەلا محەمەد ل ساڵا 1998 و د ژیێ 17 ساڵیدە تەڤی یانەیا موسڵێ دەست ب وەرزشا تەپا پێ کر، پشتی ڤێ یانەیێ بەرێ خوو کرە باژێڕێ بەغدایێ ژبو هندێ کو تەڤی یانەیا قووەی جەویە یا بەرنیاس ل عیراقێ یاری بکەتن، گرێبەستا وی تەڤی ڤێ یانەیێ ژبو ماوێ 5 وەرزان ل ساڵا 2000 هەتا ساڵا 2005ێ بوو و دەست ب یاری کرنێ ژبو یانەیا قووە جەویە کر، ل ساڵا 2003 هاوار مەلا محمد ژ ئالێ عەدنان حەمدی عیراقی یێ ڕێڤەبەرێ فەنی یێ هەڵبژاردەیا ئۆڵۆمپیادێ ڤە ژبو نینەراتی کرنا ئیراقێ هاتە دەست نیشان کرن و بانگهێشت کرن ژبو هەلبژادەیا ئیراقێ، د ئێەکەم یاریا فەرمی یا خوەدە بەرامبەر هەڵبژاردەیا تەپا پێی یا سعودی د باڤارتنێن مۆندیالا ساڵا 2002 یێ تەڤی هەڵبژاردەیا ئیراقێ سەرکەفتنەکە مەزن بدەست خوەڤە ئینا.
د وەرزا 2005 ژبو 2006ێ هاوار مەلا محەمەد تەڤی یانەیا ئەنسار یا لوبنانی گرێبەستەکە نوو ژبو یاری کرنێ ئیمزە کر. ل شوباتا ساڵا 2007ێ گرێبەستەک نوو تەڤی یانەیا ئەلعەین یا ئیماراتی ئیمزە کر ژبو ماوەێ 6 مەهان، پشتی تمام بوونا گرێبەستا وی تەڤی یانەیا ئەلعەین یا ئیماراتی گرێبەستەکە نوو تەڤی یانەیا ئەلخۆری یا وڵاتێ قەتەرێ واژوو کر. یانەیا هێزی ئاسمانی یا عێراقێ ئانکو قوە جەوییە ئەخیر وێستگەهێ یاریکرنا هەوار مەلا محەمەد بوویە.
د کاسا کەنداو یا ساڵا 2007ێ دە گۆڵەک بەرامبەر هەڵبژاردەیا تەپا پێی یا قەتەرێ تومارکر، هەروەسا گۆڵەک د بەرامبەر هەڵبژاردەیا تۆپا پێ یا بەحرەین ژی هەر دڤێ دەوریێ دە تومار کر، د کاسا ئاسیایا 2004ێ دە گۆڵەک بەرامبەر هەڵبژاردەیا تەپا پێی یا تورکمانستانێ تومار کر و د کاسا ئاسیایا 2007ێ دە گۆڵەک بەرامبەر هەڵبژاردەیا تەپا پێ یا ئوسترالیا تومار کر.[1]