ناڤ: ئومێد
ناڤێ باب: عەبدولڕەحمان
ڕوژا ژدایک بوونێ:#01-06-1977#
$ژیاننامە$
ئومێد عەبدولڕەحمان حەسەن یێ بەرنیاس ب ئومێد خوشناو ل روژا 01-06-1977 ل پارێزگەها هەڤلێرێ ژدایک بوویە، د ژیێ 40روژیدە بابێ خوە ژدەست دایە، بابێ وی پێشمەرگەیێ #شوڕەشا گوڵان#ێ بییە، ل ساڵا 2000 ژیانا هەڤژینی یێ پێک ئانییە، خودیێ 3 زارۆکان دوو کوڕ و یەک کچ، بناڤێن (وڵات و ئەلەند و پروشە)یە، قوناغێن خوەندنێ ل باژێڕوکێ #شەقلاوە# و باژێڕێ #هەڤلێر#ێ تمام کرینە، بڕواناما دبلوم و پشتڕە باکالۆریۆس د پشکا ڕاگەهاندنێ و روژنامە نڤیسیێ ل کۆلێژا ئاداب یا سەر ب زانینگەها سەڵاحەدینێ بدەست خوە ڤە ئیناندییە، کادرەکە پێشکەفتیێ #پارتا دەموکراتا کوردستان#ێیە، دە دەستپێکا خەباتا خوە یا حزبی پەیوەندی ب ڕێزێن پ.د.ک ڤە کرییە، ژبوو ماوی 12 ساڵان د تەلەفزیون و ئۆرگانێن پارتی وەکە کەنالا ئاسمانی یا زاگروس کارێ بێژەری یا دەنگ و باسان ئەنجام دایە، ئەندامێ #پەرلەمانا کوردستان#ێ ل سەر لیستا پارتی و د هەمان دەمدە سەروکێ لیستا ڤێ حزبێ بییە د خولا چارێ یا پەرلەمانێ کوردستانێ، هەروەسا ئەندامێ لیژنەیێن دەستپاکی (نەزاهە) و کاروبارێ پەرلەمان و دەڤەرێن کوردستانی یێن دەرڤەیێ ئیدارەیا هەرێما کوردستانێ بوویە، سەکرەتێرێ یەکێتییا لاوێن دیموکراتا کوردستانێ بوویە ، ئەندامێ سەندیکایا ڕوژنامەنڤیسێن کوردستانێ یە، ئەندامی لێژنەیا سەرپەرشتیا هەرسێ کۆنگرەیێن نەتەوەیێ لاوێن چار پارچە، کۆنگرەیێن(باکور، باشور، ڕۆژئاوا)
و ئەندامی دوو کۆنگرەیێن لاوان یا جیهانی بوویە، د ڤی دەمەیدا و پشتی کوو پارێزگارێ بەرێ یێ پارێزگەها هەڤلێرێ خودێ ژێ ڕازی #فرسەت سوفی# د سەردەمێ کۆرۆنایێ و ب ئەگەرا ڤایرۆسا کۆڕۆنا گیانێ خوە ژدەست دا، وەکە پارێزگارێ هەڤلێرێ کارێ خوە دکەت.
د بوارێ ڕوژنامە نڤیسیێ دە چەند بەرهەمێن چاپکری هەنە، وەکە:
گەنج گۆما سیاسەتێ دشلەقینیت. (پەرتووک)
ئازادییا ڕا دەربڕینێ د ئامرازێم پەیوەندییا ئەلکترونی (پەرتووکا ئامادە ژبو چاپکرنێ)
کاریگەرییا ڕاگەهاندنا لاوان لهسەر هزرا نەتەوی
سنورێن یاسایی ژبو ئازادییا ڕادەربڕینێ
قوناغێن دیروکی یێن ڕاگەهاندنا یەکێتیا لاوان[1]