سازش نە مابەین ئایېر و پووش کەمەن.

واچۍ (سازش) ی هەم بە ماناو گونجیای هەم بە ماناو نزیک بېیەیۆ هەم بە ماناو قانەیی مێ.
ئارۊ واچۍ سازشی بەرگێ ڕامیاریش پوشان، ژیرلۍ مەری، فەرمانداری، پارتایەتی، دەسەڵات، بەبۍ سازش کارشان نمەویەرۊ.
جاران گەر کەسێ لێرەسەخت بیێ و پاگیریش کەردێ
سەرو داواکاش، واجېنۍ نمەسازیۊ.
مەولەوی شاعېر واچۍ (سازش) ی جە دېڕە شېعرێنە بەکارمارۊ کە دوورەن جە سیاسەتی و دەسەڵاتداری.
وەختێ چەنی چن دوسێش مەلانە پەی سێرانی و چاگە ئایېر مەکەراوە پەی نانو چای، یۊ جە ڕەفېقەکاش بە مەولەوی ماچۊ فوو کەرە ئایېرەکەی با هۊرخېزیۊ،
مەولەویچ پی دېڕە شېعرۍ پەیتواچش مڎۊوە
سازش نە مابەین ئارو پووش کەمەن
وەرنە هانامەن نەفەس یەک دەمەن
مەولەوی ماچۊ هیچ سازشێ نېیەن میانو ئایېرو پووشینە، جە خەفەتیېنە من لاشەم وشک بېیەن پېسە پووشی، دەروونیچم بە ئایېرو دووری گڕش گېرتەن، مەتەرسون وەختێ فووکەرو ئایېرەکەی گڕەو دەروونیم لاشەی وشکم سۊچنۊ، ئەڼا فووکەردەی چېشەن یەک هەناسەن.[1]