هەروەکوو چۆن هەموو ڕەفتارێک یاسای خۆی هەیە، مامەڵەکردن لەگەڵ کارمەندانی پاککەرەوە بە هەمان شێوە شێوازی خۆی هەیە، بە هۆکاری ئەوەی کە ڕۆژانە لە شوێنە گشتییەکان بەرکەوتنمان لەگەڵیان دەبێت و ڕۆڵێکی گرنگیان هەیە لە خاوێنڕاگرتنی ئەو شوێنانەی سەردانیان دەکەین، جوانترە بەم شێوازە مامەڵەیان لەگەڵ بکەیت.
1- زەردەخەنە با هەمیشە لەسەر ڕوخسارت بێت لەگەڵیان، بەتایبەتی ئەو کاتەی قسەیان لەگەڵ دەکەیت یان داوایان لێدەکەیت شتێک لابدەن، وریابە کە ئازاری هەستیان نەدەیت.
2- کاتێک قسەیان لەگەڵ دەکەیت، با هەمیشە پێش قسەکەت وشەی بەیارمەتیت لەسەر زمانت بێت، ئەمە ڕەنگە وشەیەکی سادە بێت، بەڵام مانایەکی گەورە و جوانی هەیە.
3- هەرگیز خاشاک فڕێمەدەرە بەردەمی و ناچاری بکەیت هەڵیبگرێتەوە، خۆت هەوڵبدە سەتڵێکی خۆڵ بدۆزیتەوە و فڕێیبدەیت، ئەگەریش نەتدۆزییەوە لەو نزیکانە، بە شێوەیەکی جوان داوای لێبکە کە یارمەتیت بدات لەوەی فڕێیبدەیت.
4- هەتا دەتوانیت خۆت کارەکانی خۆت بکە و پاشماوەکانی خۆت فڕێبدە، بەتایبەتی لە دەستشۆر، هەروەها شتەکان ڕێکبخە بۆ ئەوەی کارەکە لەسەر کارمەندی پاککەرەوەکە ئاسان بکەیت. [1]