بێگومان هەموو دایک و باوکێک گرنگی بە کەسایەتی منداڵەکەی دەدات، زۆر کات زیادەڕەوی لەم گرنگیپێدانە کاریگەریی نەرێنی لێدەکەوێتەوە و منداڵەکە لاواز و بێدەسەڵات دەبێت و ناتوانێت پشت بە خۆی ببەستێت.

=KTML_Bold=هەندێک ڕەفتاری دایک و باوک هەیە کە کەسایەتی منداڵ لەناودەبات.=KTML_End=

=KTML_Bold=1. پشتگوێخستنی ترسی منداڵ=KTML_End=
دایکان باوکان زۆرکات ترسی منداڵەکانیان پشتگوێ دەخەن یان هەوڵنادەن ترسەکەی کەمبکەنەوە، پێی ناڵێن کە ئەو شتەی لێی دەترسێت شایەنی ترس نییە، ئەمە وادەکات بەردەوام لە ترسدا بژی.

=KTML_Bold=2. ڕزگارکردنی منداڵەکەت لە شکست=KTML_End=
یەکێک لە گرفتەکانی دایکان و باوکان ئەوەیە کاتێک منداڵەکەیان ڕووبەڕووی گرفتێک دەبێتەوە لە ژیانی ڕۆژانەی یان خوێندنەکەی، یارمەتیی دەدەن و وانەکەی پێدەڵێنەوە، ئەمەش گەورەترین هەڵەیە، چونکە منداڵەکە فێردەبێت پشت بە بەرانبەرەکەی ببەستێت لە هەموو شتێکدا، وادەکات لە داهاتودا کەسایەتییەکی لاوازی هەبێت و نەتوانێت بەسەر شکستەکانیدا زاڵ ببێت.

=KTML_Bold=3. زۆرلێکردن بۆ خواردن=KTML_End=
ئەوە ڕاستە کە دایکان و باوکان گرفتی خواردنی منداڵیان هەیە، زۆرکات منداڵان حەز بە خواردنی ناتەندرووست دەکەن، دایکان باوکانیش ئەو خواردنەیان پێدەدەن کە منداڵەکە ئارەزووی لێدێت، لە ڕاستیدا دەبێت منداڵ فێربێت خۆی نان بخوات و هەڵبژاردنەکانی تەندرووستبن، لە کاتی نانخواردن هەموو خێزانەکە کۆببنەوە، یاساکانی نانخواردن فێربکرێت کە نابێت تەماشای تەلەڤزیۆن یان مۆبایل بکات.

=KTML_Bold=4. چاوەڕێی ئەوەی لێبکەیت باشترین دەربچێت=KTML_End=
هەمو دایک و باوکێک حەز دەکات منداڵەکەی باشترین کەسی لێدەربچێت و لە داهاتودا بە ئامانجی گەورە بگات و پلەی بەرز بەدەستبهێنێت، ئەگەر ئەم قسانەی لە تەمەنی بچوکییەوە پێبڵێیت وایلێدێت خەونی گەورەتر لە توانای خۆی هەبێت و ئەگەر پێی نەگات متمانەی بە خۆی نامێنێت، ڕێگە بدە منداڵەکەت خۆی خەونی هەبێت، تۆ تەنیا لە ڕێگەی هەوڵدان بۆ خەونەکەی ڕێنمایی پێبدە و ئامۆژگاری بکە. [1]