ناڤ: عەلی
ناسناڤ: عەلی تەتەر #نێروە#یی
ناڤێ باب: تەتەر تۆفیق محەمەد ئەمین
ساڵا ژدایک بوونێ: 1968
جهێ ژدایک بوونێ: ل دەڤەرا نێروەی سەرب باژێڕوکێ #ئامێدی# یا سەر ب پارێزگەها #دهۆک#
$ژیاننامە$
ئەکادیمی و سیاسەتمەدار عەلی تەتەر تۆفیق محەمەدئەمین، یێ بەرنیاس ب (دکتور عەلی تەتەر ئان کو دکتۆر عەلی نێروەیی) ، ساڵا 1986 پەیوەندی ب پارتی دیموکراتی کوردستان وهەر د وێ ساڵێ دە پەیوەندی ب ڕێزێن هێزا پێشمەرگەیێ کوردستانێ کرییە، ساڵا 1993 نینەرێ کۆنگرەیا یازدەهە‌م بوویە و ساڵا 2010 د کۆنگرەیا سێزدەمیندە بوویە ئەندامێ ئەنجومەنا سەرکردایەتیا #پارتی دیموکراتی کوردستان# .
عەلی تەتەر ساڵا 1968 ل باژێڕێ دهۆک ژدایک بوویە. ساڵا 2000 بەکالۆریۆس دبوارێ مێژوویێ دە ل زانینگەها دهوکێ وەرگرتییە و ساڵا 2002 باوەرناما ماستەر ل دیروکا کورد ل پشکا مێژوو ل هەمان زانینگەهێ بدەست خوەڤە ئیناندییە و ساڵا 2008 باوەڕناما دکتۆرایێ ل دیروکا هەڤچەرخدە وەرگرتییە و هەنووکە ناسناڤێ وی یێ زانستی پڕۆفیسۆرە . ساڵا 2020 بوویە پارێزگارێ پارێزگەها دهۆکێ. شارەزایێ زمانێن کوردی، فارسی، عەرەبی و ئینگلیزییە.
خەباتنامە
ساڵا 1975 پشتی نسکویا شۆڕەشا ئەیلوول تەڤی ماڵباتا خوە ئاوارەیێ وڵاتێ ئێرانێ بوویە. ساڵا 1986 پەیوەندی ب ڕیزێن پارتی و هەر د هەمان ساڵ دە بوویە پێشمەرگە و ساڵا 1988 وەکە پێشمەرگە بەشداری ل داستانا #خواکوڕک# ل دژى هێزێن سوپایێ ئیڕاقێ کرییە. ساڵا 1991 پشکداری ل ئازاد کرنا دهوکێ کرییە.
ساڵا 1993 نینەرێ کۆنگرەیا یازدێ بوویە و ساڵا 2010 ل کۆنگرەیا سێزدەمیندە بوویە ئەندامێ ئەنجومەنا سەرکردایەتیا پارتی دیموکراتی کوردستان .
ل کۆنگرەیێن نەهەم (1998) و دەهەم (2001) یا یەکێتیا قوتابی یێن کوردستاندە ب ئەندامێ لێژنەیا ڕاپەڕاندن هاتیە هەڵبژارتن و بوویە بەرپرسیارێ لقا دهۆک – نەینەوا یا ڕێکخراوا ناڤهاتی.
ساڵێن 2002-2010 ب پلەیا عەمید / ڕێڤەبەرێ ئاژانسا پاراستنا ئاساییشا کوردستانێ ل دهوکێ بوویە و ساڵێن 2003-2006 پشکدارییا شەڕێ دژی تیرۆرێ ل سنوورێ پارێزگەها #موسڵ#ێ کرییە.
ساڵێن 2011-2017 بەرپرسیارێ لقا دەهان و ساڵا 2017 بەرپرسیارێ لقا هەشتا زاخو یا پارتی دیموکراتی کوردستان بوویە.
- خودیێ 11 پەرتووکان ل بوارێ سیاسی و دیروکییە. [1]