#لەتیف ڕەشید#، سەرۆک کۆماری ئێراق لە میانی دیدارەکەیدا لەگەڵ ئیبراهیم ڕەئیسی سەرۆک کۆماری ئێران لە تاران جەختی لەوە کردەوە، کە پێویستە ئێران پشکی ئێراق لە ئاودا لەبەرچاو بگرێت و ڕێگری نەکات لە هاتنی بڕی ئاوی پێویست لە ڕووبارەکانی وڵاتەکەیەوە بۆ ئێراق.
ئەم داواکارییەی سەرۆک کۆماری ئێراق لایەنی ئێرانی توڕە کردووە و لایەنە شیعەکانی ئێراقیش، کە نزیکن لە ئێران ئیحراج بوون و ڕەنگە هەڵوێستیان هەبێت.
لەتیف ڕەشید، سەرۆک کۆماری ئێراق تاک لایەنە ئەم داواکارییەی خستووەتە بەردەم لایەنی ئێرانی و هیچ هەماهەنگییەکی لەو بارەوە لەگەڵ لایەنە ئێراقییەکان نەکردووە، بۆیە تووڕە بوونی تاران و ئیحراجبوونی لایەنە شیعەکانیشی لێکەوتووەتەوە.
ئێراق، ساڵانێکە بەدەست دابەزینی بەردەوامی سەرچاوەکانی ئاوەوە دەناڵێنێت و قەیرانی کەمی ئاویش بەهۆی کەمی ڕێژەی بارانبارین لەو وڵاتە لە ماوەی ساڵانی ڕابردوودا ساڵ بەساڵ خراپتر بووە. [1]