ناڤ: شەکیب
ناسناڤ: شەکیب ئاکرەیی
ناڤێ باب: سەعید شەریف ڕەشید
ساڵا ژدایکبوونێ: 1937
ڕۆژا وەغەرا داوی: #23-10-2017#
جهێ ژدایکبوونێ: #ئاکرێ#
جهێ وەغەرا داوی: ئەمریکا
$ژیاننامە$
یاساناس و سیاسەتمەدار، ساڵا 1966 یاریدەدەرێ بەرپرسیارێ لێژنەیا کاروبارێ هەواڵگری و ئاساییشا نڤسینگەها جیبەجیکاریا ئەنجوومەنا سەرکردایەتیا شوڕەشێ ل باشوورێ کوردستانێ بوویە، ساڵا 1967 ل دامەزرێنەرێن دەزگای پاراستن و جێگرێ سەروکێ وێ بوویە، ساڵا 1967 ل کونفڕانسا سەربازیا ڕامیاری کانی سماق وساڵا 1973 ل کۆنفڕانسا ڕامیاری سەربازیا #چومان# ل پارێزگەها #هەڤلێر#ێ پشکداری کرییە، ساڵا 1970 ل کونگرەیا هەشتەم ب ئەندامێ کۆمیتەیا ناڤەندیا #پارتی دیموکراتی کوردستان# تێ هەلبژاردن.
ل باژێڕێ ئاکرێ ژدایکبوویە، ساڵا 1914 ئەحمەد کوو ئێک ژ ئەندامێن ماڵباتا وی بوویە لسەر پشتیوانیا #شێخ عەبدولسەلامێ بارزانی# لە باژێڕێ موسڵ تێ بەند کرن و هەر ل بەندیخانەیا موسڵێ وەغەرا داویێ کر، ساڵا 1958 پەیوەندی ب پارتی ڤە کر، ساڵا 1960 بەکالۆریۆسا پشکا ماف ل زانینگەها بەغدایێ وەرگرتییە، ساڵا 1961 ڕێڤەبەرێ شارەدێیا دوایە ل پارێزگەها ناسڕییە یا باشوورێ ئیڕاقێ بوویە، ساڵا 1962 پەیوەندی ب ڕیزێن هێزا پێشمەرگە کرییە، ل ڕێکەفتا #23-12-1962# ژلایێ دادگەها سەربازیا گشتی ل پارێزگەها زیقار سەروەت و سامانێ وی لێ هاتە زەوت کرن، ساڵا 2017 وەغەرا داویێ کر، شارەزایێ زمانێن کوردی، عەرەبی و ئینگلیزی بوویە.
ساڵا 1964 نینەرێ کونگرەیا شەشێ یا پارتی دیموکراتی کوردستان ل باژێڕوکێ #قەڵادزێ# بوویە، ساڵا 1966 بەرپرسیارێ دارایی پارتی دیموکراتی کوردستان بوویه، ساڵا 1966 نینەری کونگرەی حەفتە‌‌م یا پارتی دیموکراتی کوردستان لە گەڵاڵەیا سەر ب پارێزگەها هەڤلێر بوویە، ل ڕێکەفتا #15-04-1967# ب سەرپەرشتیا سەروک مستەفا بارزانی وەکە نینەری دەزگای پاراستنا شۆڕشا ئەیلوول و نینەری کۆنفڕانسا سەربازی ڕامیاریا کانی سماق (هەڤلێر) بوویه، ل ساڵێن (1968 -1969 ) مامۆستایێ وانەیا ئاساییشا شۆڕەشێ ل خولا ئێکێ یا فێرگەها پێگەهاندنا کادرێن پارتی دیموکراتی کوردستان ل گوندی چومان بوویە، ساڵا 1969 مامۆستایێ وانەیا پاراستن ل خولا دوو یا فێرگەها پێگەهاندنا کادرێن پارتی دیموکراتی کوردستان ل گوندێ ناڤپردان یا سەر ب پارێزگەها هەڤلێرێ بووە، ساڵا 1970 ژ ئالێ نینەرێن کونگرەیا هەشت ب 210 دەنگان بوو ئەندامێ کۆمیتەیا ناڤەندیا پارتی دیموکراتی کوردستان ، ساڵا 1973 مامۆستایێ وانەیا پاراستن بوو ل خولا چارێ یا فێرگەها پێگەهاندنا کادرێن پارتی دیموکراتی کوردستان ل گوندێ ناڤپردان، ل ڕوژێن 27 و 29 تشرینا ددوویان یا ساڵا 1973 پشکداریا کۆنفڕانسا ڕامیاری سەربازیا چومان کرییه، ساڵا 1974 مامۆستایێ وانەیا پاراستن ل خولا پێنجێ یا فێرگەها پێنجەم یا کادرێن پارتی دیموکراتی کوردستان ل گوندێ زینوێی یا شێخی سەر ب پارێزگەها هەڤلێرێ بوویه، ساڵا 1974 مامۆستایێ وانەیا پاراستن و شەڕێ دەرونی یێ خولا شەشێ یا فێرگەها پێگەهاندنا کادرێن پارتی دیموکراتی کوردستان ل گوندێ زینوێی شێخ سەر بوویە، ساڵا 1975 ل پشتی نسکۆیا شوڕەشا ئەیلوول وەکە پەنابەر ل ئیرانێ بوویە، ساڵا 1975 وەکە پەنابەر کوچ دکەتە وڵاتێ بریتانیا، ساڵا 1976 کوچ دکەتە ئەمریکا و لور نیشتەجێ دبیت. ساڵا 1980 دکتورای یاسا ل ئەمریکایێ وەردگریت، ل ڕێکەفتا 23-10-2017 ب ئەگەرێ نەخوەشیێ ل نەخۆشخانەیەکا ئەمریکایێ وەغەرا دوایێ کر.
$بەرهەمێن وی$:
1.سنوات المحنە فی کردستان أهم الحوادث السیاسیە والعسکریە فی کوردستان والعراق من1958 الی 19802007.
2.رسائل من کوردستان 2011.
3.سدام الحسین نهوزا و نکوسا 2017.
[1]