کەڵەلان
کەڵ: نېرەو ئاژەڵی کەشین، بە مېڵەکېش ماچان: بزە کۊییە.
پېسە مزانمۍ ژیوگاو ئاژەڵی کۊیی سەختگان و بە ئاسانی بنیاڎم دەسش نمەیاوۊ لاش، وەلێم پېسە عادەتو وېش ئاژەڵی کۊیی سرکەن و دەسگیر نمەبۊن.
ئاژەڵی کۊیی یاگۍ مەنەیۊو ئیسراحەتیشا فرە سەختەن، تەمو زەردەکاوە ۋڵێ یام مەڕێ گولانۍ هۊرچنا پەی یاگۍ مەنەیۊشا، ئا مەڕ و مەرمەغارېچە ئڼە یاگېشا سەختەنەو دەمو مەڕەکېچ ئڼە گولانەن، بە زەحمەت و بە ئاوەزێ خوڎا کەردە کەڵەکۍ و بزە کۊییەکۍ بە وېشا و شاخە زلەکاشاوە ڕەڎۍ مەبانۍ و ملاشان پۊرە، دیسان پەی زیارەی عەینو فام و ئاوەزی بەکارماران.
ئا یاگە سەختۍ، دلۍ فەرهەنگو ڕاوەشکارو هۆرامیەکانە پەنەش ماچان: کەڵەلان.[1]