ناڤ: عوسمان
ناڤێ باب: محەمەد
نازناو: عوسمان چێوار
جهێ ژدایک بوونێ: #سلێمانی#
ساڵا ژدایک بوونێ: 1946
ڕۆژا وەغەرا داویێ: # 21-05-1996#
$ژیاننامە$
هونەرمەند عوسمان محەمەد ئەحمەد، کو ب عوسمان چێوار ناڤبانگێ خوە دەرکریی، ساڵا 1946 ل تاخا #سەرکارێز# یا باژێڕێ سلێمانی ژدایک بوویە و د ساڵا 1969 پەیمانگەها مامۆستایان تامام کرییە. پشتڕە ل خولا دەرهێنان ل باژێڕێ بەغدایێ پلەیا ئێەکەم ل پەیمانگەها بدەست خوەڤە ئیناندیە .
ماوێ چەند ساڵەکان پیشەیا ل دەڤەرێ #چۆمان# و #شارباژێڕ# و #قەرەداغ# و حەلەبچە و سلێمانی ماموستایێ کرییە. ئەڤ هونەرمەندێ ڕەوشنبیر هەر ل دەستپێکێ دە پشکداری ل چالاکی یێن سیاسی و پێشمەرگایەتی دە کرییە و هەیا وێ چەندێ کوو هەیامەک دناڤا #پێشمەرگە#یدە ڕابەرێ سیاسی بوویە. ساڵا 1974 پەیوندی ب شوڕەشێ کرییە و ل ئیزگەهێ دەنگێ کوردستانێ دە خزمەت کرییە. ساڵا 1975 بەرپرسیارەتییا چالاکیێن قوتابخانا پێ هاتییە سپاردن.
عوسمان چێواری یێ جانەمەرگ ل ساڵێن شێستا بو سەرڤە پشکداریا چالاکی یێن هونەریدە کرییە و وەکە شانۆکار و دەرهێنەر ڕۆڵەکێ مەزن گێڕایە ل پێشڤە برنا ڕەوتا شانۆیا کوردیدە، بەرهەم و شانوگەریێن (بڕیار و ئەنجام) و (سەرینی باداری) و (لانەوازان) و (پاڵتۆ) و (ئابڵوقە) و (خەج و سیامەند) و (گوڵەمێخەک) و فیلما سینەماییا (بەهەشتێکی سووتاو) و شانوگەریا (ئەحەی کوڕنو) چەند نموونەیەکن ل وان شاکارێن هونەریی کو چێواریێ نەمر پشکداری تێدا کرییە. ڤی هونەرمەندێ خۆنەویست ل دامەزراندنا تەلەڤزیونا گەلێ کوردستانێ ژیک پێشتریش ل دامەزراندنا (#یەکێتی یا هونەرمەندێن کوردستان#)ێ دە جهێ دەستێ وی یێ دیارە.
وەکە هەلوێستەکێ نیشتمان پەروەرانە ساڵا 1988 دژی ڕژێما بەعس ب ئەشکەرە ل بەردەرکێ سەرایا باژێڕێ سلێمانیێ ڕببەڕیێ داگیر کەران گووتییە (وەرن من بکوژن بەلێ گەلێ من ئەنفال نەکەن ) .
عوسمان چێواری یێ هونەرمەند، کو ماوێ دەﮪ ساڵان بەردەوام سەروکێ تیپا پێشڕەو یا شانویا کوردی بوویە، ڕوژا 21-05-1996 ب نەخوەشییەکە کت و پڕ وەغەرا دوایێ کر.
[1]