سان سەهاکی بەرزنجی درووسکەر یان تازەکەرو ڕاو ڕەچەو یارسانین، پلێوە باڵاش دلۍ ئا ڕاو ڕەچەینە بېیەن و هەن.
سان سەهاک (سوڵتان ئیسحاق) کوڕو شېخ عیساو بەرزنجەی، بڕێ بە درووسکەر و بڕێ تەر بە تازەکەرو ڕاو ڕەچەو یارسانیش مزانا، سەرو بنەماو ئی زانیاریا:
1.ڕازەو یاری بېیەیش فېرەو خەڵکی کەردېنە، بە ماناو ڕازەو چەنی لوای پەی دلۍ ئا ڕاو ڕەچەیشە فېرو خەڵکی کەردەن.
2.یارۍ و لایەنگیرۍ وېش کەردېنېش بە پاڼزە بەشېوە، پەی هەر بەشێچ ئەرکێ ئایینیش دیاری کەردەن. ئینېچ پاڼزە بەشەکەنۍ (حەوتەن، حۆتەوانە، حۆت خەلیفە، چل تەن، حەفتا و دوە پیرە، یارۍ قەوەڵتاسی، حۆت خاڎم، حۆت حۆتەوانۍ، چل چل تەنان، نەوەڎ و نۊ پیرۍ شاهۊی، شەسس و شش غوڵامۍ کەمەر زەڕینۍ، هەزار و یەک بەڼۍ و خواجە وېنۍ، بېوەن بەندە، بێوەر هەزار بەندە، بېوەن بەندە) .
3.وەشکەردەی و ئاردەرەی (جەم) ی و باو و برەو و (وەز ماڕای) ش ڕېک وستەن، کە نەریت و باوێ پیروزەن لاشاوە.
4.دیاری کەردەی یەرۍ ڕوا پەی ڕۊچە گېرتەی و ڕاو ڕەسمو جەژنۍ.
5.دیاری کەردەی سرووتە دینیەکاو وانایۆ شېعرا و ژەڼەی تەمبووری چەنیشا.
مەبەسمان ئانەن بە فەرمانو ئا زاتەیە تەماموو ڕەوشتە دینییەکۍ یارسانی پېسە (تەڵقینەو مەردەی، وې شتەی، قوربانی کەردەی، دەسگیربېیەی، سەرئەسپارای، جەم بەستەی، تۊبە کەردەی جە تاوانی، ..هتد) بە شېعرۍ کوردیۍ و بە زوانی هۆرامی هۊنیێنێ.[1]