(پیر) پا کەسا وچیان هەکە تەمەنشا لوان سەرۆکووی، ئینە پېسە تەن و لاشەیشا، چەنی ئانەیە ئەقڵ و ئاوەز و ماریەفەتشا باڵاش کەردەن، یاوان پلێوە کە خەڵکۍ تەرۍ وېشا تەسلیمو ئاوەزیشان کەران.
میترائیەکۍ (پیر) شا هەن، کە دما پلەی دینین لاشاوە، هەر کەسېو دما قوناغو ڕانماییەکا میترائیزمی بە تەمامی و سەرکۆتەیی بڕۊن و ئەنجام بڎۊن مەیاوۊ پلەو (پیر) ی.
زەردەشتیەکۍ بە گۆرە مووبەدەکاشا واچیان (پیری موغان= مووبدان مووبد) .
یارسانەکۍ (پیر) لاشاوە یۊن جە پایە دینییە گۆرەکا، سەرو گرڎ یارسانێ پېویسەن سەرەش بسپارۊ بە (پیر) و (دەلیل) ی.
هەر پېسە نویسیان و زانیان جە هۆرامان نەوەڎ و نۊ پیرۍ بیۑنۍ، کە بە نەوەڎ و نۊ پیرەو هۆرامانی ئەشناسیێنۍ، بڕېشا میترائیۍ و بڕېشا زەردەشەیۍ و یارسانۍ بیېنۍ، ژمارێچشا ئامێنۍ سەرو ئایینو ئیسلامی و خەریکۍ خوڎا پەرەسی و زانست و ماریفەتی بیېنۍ، پېشە پیرشالیارەکاو هۆرامانی.[1]