پاڵەیەکی شېخی
کوڵە ڕازە
گېڵناوە، ژەنێوە کوڕیوەش بېیەن ، فرە دز و درۊزن بېیەن ، واتەنش با کیانووش فەقیەتی بەشکووم دەس چی کاریە کېشۊوە. .
کوڕە بی بە نیمچە مەڵڵایە و فېروو قسە وەشا بی، هەر چیش جە خەڵکی دزیایا ئڼە زوان چەرب بۍ واچېنۍ هەقوو وېشا با بەرۊ.
ئەڎاش کەوتە ویروو کوڕەکەیش تاکو ئا گرفتیشە چارە سەر کەرۊ، کوڕەش بەرد پەی لاو شېخێوە تاکو دوعاییوەش پەی بنویسۊ و دەس چا کاریشە کېشۊ، شېخ دوعاییوەش پەی نویست و بەستەش باڵو کوڕەیرە.
کوڕە چەنی ئەڎایش گېڵایوە پەی یانەو وېشا، ئەڎاش فرە دڵش بە دوعاکۍ وەش بۍ.
کوڕەکە کەوتەبۍ شۊنی ئەڎاکېش و نەتاوۍ وەش بلۊ ڕارە.
ئەداکېش واتش: ئەی ڕوڵە گېیان پەی چېشی ئڼە یەواش مەی، زوو زوو هەنگامۍ واڕەوە!؟
کوڕەیچ کەردشوە جواب و واتش: وەڵڵا ئەڎا گېیان، پاپۊشەکۍ شېخی بە پام گەورېنۍ مەتاوۊ چینەی زیاڎتەر تن بلوو ڕارە.[1]