پەڕڵەمانتارێکی یەکێتی ڕایگەیاند، کورد خۆی چاک نەکات و یەکگرتوو نەبێ هەرێم و ناوچە کوردستانیە دابرێنراوەکان ڕۆژ لەدوای ڕۆژ دۆخیان خراپتر دەبێت.
#کاروان عەلی یاروەیس#، ئەندامی فراکسیۆنی یەکێتی لە پەڕڵەمانی ئێراق ئاماژەی بەوەکرد:” لایەنی کوردستانی هەبوو پێی خۆش نەبوو 15 هەزار مامۆستا و وانەبێژی کەرکووک مووچەکەیان لە هەرێمەوە بخرێتە ئێراق چونکە پێانوابوو لەرووی سیاسیەوە لەبەرژەوەندی یەکێتییە “.
ئەوەشی خستەڕوو:” مادەی تایبەت بە پاشکەوت دەنگی هێنا بەڵام سەرۆکی پەڕڵەمان زانی سەرۆک فراکسیۆنە سەرەکییەکانی ئیتر ناڕازین وتی دەنگی نەهێناوە “.
وتیشی:” ڕەتمانکردەوە ئیدارەی فڕۆکەخانەکانی هەرێم بخرێتە سەر وەزارەتی گواستنەوەی ئێراق “. [1]