کێ دەڵێ گۆلکی نییە
ئەو ئیدیۆمە لەناو شاری #کۆیە# بەکاردەهێنرێت: گۆلک و چێڵ لە یەکتری جیانابنەوە، ئەگەر گۆلکەکە لە مانگاکە دوور بکەینەوە ئەوا مانگاکە شێت و هار دەبێت، زۆربەی چێڵەکان تا گۆلکەکەیان لێ نزیک نەکەیتەوە شیرەکەی ناو گوانیان هەڵدەگرنەوە، بۆیە ئەو ژنانەی کە کابان بوون بۆ دۆشینی چێڵەکە سەرەتا گۆلکەکەی تێ بەردەدەن تاوەکوو چەند قومێک شیر بخوات بەمەش مانگاکە شیرەکەی خۆی بەردەداتەوە، پەیوەندی بێچوو و دایک پەیوەندییەکی گیانی بە گیانییە ناتوانرێت لێک داببڕدرێن، ئەوە بووە بە ئیدیۆم بۆ ئەو کچانەی کە دۆستیان هەیە و دڵیان لەلای کوڕێکیترە، لەکاتی داخوازییدا کوڕان ڕەتدەکەنەوە، بۆ دڵدانەوەی ئەو کوڕەی داخوازییەکەی کردووە دەوترێت: کێ دەڵێ گۆلکی نییە.[1]
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 91
Ваше мнение о предмете!