بۆتۆکس جۆرە ژەهرێکە بە ناوی بۆ تۆلینۆم، کە لە ساڵی 1980 پزیشکان لە پڕۆسەی دەرمانکردنی نەخۆشەکاندا بەکاریان هێناوە و دواتر زۆر بە ڕێکەوت بۆیان دەرکەوت، ئەم دەرمانە کاریگەریی هەبووە لەسەر لەبەینبردنی چرچ و لۆچەکانی دەموچاوی نەخۆشەکان.
دوای ئەم حاڵەتە بۆ پزیشکان دەرکەوت، دەتوانن بەم دەرمانە ژەهراوییە چرچولۆچەکانی نێوچاوان و دەموچاو کەم بکەنەوە.
لە ڕاستیدا بۆ تۆکس هیچ کاریگەرییەکی لەسەر ئەو چرچولۆچانە نییە، کە بەهۆی بەساڵاچووییەوە قووڵ بوونەتەوە و تەنیا کار دەکات لەسەر ئەو جۆرە چرچ و لۆچانە، کە هێشتا تازەن و تەشەنەیان نەکردووە.
وێڕای هەموو کاریگەرییە ئەرێنییەکان، پزیشکان پێیان وایە، هەندێک کەس نابێت بۆتۆکس بەکار بهێنن، چونکە کاریگەریی نەرێنیی دەبێت لەسەر نەخۆشییەکەیان.
=KTML_Bold=ئایا دەزانیت بۆتۆکس بۆ چ کەسانێک زیانی هەیە؟=KTML_End=
1- بۆ ژنانی دووگیان.
2- بۆ ئەو کەسانەی تەمەنیان خوار 18 ساڵ و سەرووی 75 ساڵە.
3- بۆ ئەو کەسانەی نەخۆشیی ms و نەخۆشیی قوورسی گورچیلەکانیان هەیە.
4- بۆ ئەو کەسانەی کێشەی دڵ و دەمارەکانیان هەیە.
5- بۆ ئەو کەسانەی تازە ڤاکسینیان لێ داوە.
6- بۆ سەرجەم ئەو کەسانەی نەخۆشیی خوێنییان هەیە. [1]